AYUB 3:5 - Alkitab Singog In Mongondow Masa In Tanaa

⁵ Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

AYUB 3:5 Iomraidhean Croise

AYUB 16:16

Pogotku inumura sin nongombaḷ, kokiap in mataku nobobagá bo inumuḷow.

AYUB 24:17

Aka kon inia, doḷo-doḷom tua in totokbí in mokoondok, táe doḷom inta sindip totok, in mokosanangbí.”

AYUB 28:3

Sindip moḷoben kinoḷopangan, tampat inta moonag totok in sinaridi. Kon tua, kon bonu in sindip, intau in motayak kon batu mita.

AYUB 3:4

O Allah, baḻídon in singgai tatua mosindip, popatdon intua nongkon raian-Mu sinbá diádon; dika domandon pomayá-Mu in sindar mopia monimbayag kon tua.

AYUB 3:6

Maníkabo doḷom tua in inggamáandon nongkon pogiapan kon taong bo buḷan; dikadon toropon bui, dika domandon kotangoian.

AYUB 34:22

Diábí in sindip, umpakabí mopungit totok, in mokobuni kon intau baradosa.

AYUB 38:17

Nokoimontandon degá in intau nopoontong kon inimu in ḷoḷuang kon tayowon in dunia in intau minatoi inta sindip totok?

MAZMUR 107:10

Oyúon in iḻimitú kon bonu in sindip, intau pinonjara inta nororiga kon bonu in umantungan uatoi,

MAZMUR 107:14

Dinia-Nea in mosia iḻumuai nongkon sindip, bo nomutoḷ kon pinoumantungan kon i monia.

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 44:19

Gina nami in diábí momayow kon ini-Mu; parenta-Mu in umuranbí pandungon nami.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEREMIA 4:28

Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

ULANGAN 4:11

Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

IBRANI 12:18

Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.