AYUB 3:15 - Alkitab Singog In Mongondow Masa In Tanaa

¹⁵ Akuoi in noḷoḷot naonda bo ki adí ḷoḷaki in datu, inta nosipun kon saḷaka taakan kon bonu in baḷoinea.

AYUB 3:15 Iomraidhean Croise

DATU MITA IMITÁNEA 10:27

Kon bonu in pinomarentaan i Salomo, saḷaka in nobaḻíbí pakakat inta biasamai tongádon naonda bo batu, bo kayu ḷokuyú in mobarong doman totok naonda bo kayu ara biasa.

AYUB 12:21

Pinokopo oyá-Neamai in intau inta ihoromatmai; ginamá-Nea in hak monia mongawasa.

AYUB 22:25

Pobiódon mako sinbá ki Inta Totok in mokawasa in mobaḻí buḷawanmu, bo saḷakamu inta totok in mopia.

AYUB 3:16

Nongonu sin akuoi in diábí pinononggadí poḷat minatoi sinbá akuoi in mosiug bo moḷoḷot totok?

MAZMUR 49:18

Sin kon tungkuḷ in matoi sia in diábí mokopodia kon onu bo onu, kapunyaan in diábí moponag kon poḷoḷobongan takinnea.

YESAYA 2:7

Ḻipúnea nopuḻing in saḷaka bo buḷawan, bo kapunyaannea diá koiapan. Kabaḷonea mobayong totok, bo keretanea diádon koiapan in kobayongnea.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZAKHARIA 9:3

Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.

PINOGIAPAN 22:18

Táe ki Bileam notubag, “Umpakabí bayongan saḷaka bo buḷawan inta kon bonu in komaḻig i Datu Balak in poguboḻi kon inakó, akuoi in diábí motaau ḻimimpat kon parenta i Tuhan, Allah inta sinumbaku. Umpaka tongá inta mointok yo diábí in akuoi motaau moḷawang.