AYUB 3:14 - Alkitab Singog In Mongondow Masa In Tanaa

¹⁴ naonda bo datu mita bo pongawasa tungkuḷ intua, inta noposindog bui in komaḻig dungkuḷmai.

AYUB 3:14 Iomraidhean Croise

DATU MITA IMITÁNEA 11:43

Onda intua minatoi in sia bo iḷobong kon kotá i Daud. Bo ki Rehabeam adínea ḷoḷaki in nobaḻí datu nonoḻiu kon inia.

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

AYUB 12:17

Irabut-Nea in hikmat kon pomarenta mita inta nongawasa, bo itoi mita binaḻí-Neadon kosingan in intau.

AYUB 12:18

Iḻitoi-Nea in datu bo dinakop-Nea in mosia;

AYUB 15:28

Sia in nogutun notantú kon kotá mita inta ain nogoguyaat, kon baḷoi mita inta diá in mogogutun. Kotá mita tatua ain sinantú kon umuran mobaḻí rumbunnea.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MAZMUR 49:14

Natuata in ukur in intau inta mopongata in awaknea, bo singgai moiduduimai in intau inta moorop in tosingogonnea.

MAZMUR 89:48

Toropdon in akuoi totuubí mopoḷok in kobiaganku naa, binaḻí-Mu in intau saḷaku mahaḷuk inta mato-matoi.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

YESAYA 14:18

Bayongan inta nokoimontandon nobaḻí datu in bangusa mita iḷobong takin pinoramean kon poḷoḷobongan kon i monia tontaní,

YESAYA 22:16

“Kainimukamai dá ki inebí in iko naa? Onu in hakmu nodapot in iko nomakang kon poḷoḷobongan kon inimu kon buḷud batu?

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YEHEZKIEL 26:20

Bo iko in pokidia-Kudon kon dunia in intau minatoi sin moyodugang in intau mita inta dungkuḷmai. Pomayá-Ku mako in iko in mogutun kon dunia in intau minatoi tua, kon yua-yuak in apug mononoi, moyotakin in intau minatoi. Dá butámu in diádon utunan bui, bo iko in diá bidon kotangoian kon sigad in intau nobiag.