AYUB 3:13 - Alkitab Singog In Mongondow Masa In Tanaa

¹³ Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

AYUB 3:13 Iomraidhean Croise

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 10:22

dunia inta mosindip, nopuḻing in oḻinow bo notombauk, bayag notongkai in pungit.”

AYUB 14:20

Sinaḷow-Mu in sia modapot in mononoi; Pinotabá-Mu in sia minayá bo binaḷuian-Mu in batangannea.

AYUB 16:22

Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 17:13

Tongádon dunia in popatoi in mobaḻí kamangku, kon tuata in akuoi mosiug kon bonu in sindip.

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

AYUB 19:27

Matakubí tontaní in poindoiku kon i-Nia, bo kon inakó Sia in mobaḻí yobayat. Nonakit totok in ginaku sin moiko in moguman,

AYUB 21:13

Singgainea mita nouput kon bonu in kopiaan, bo minatoi in mosia kon bonu in dodamean.

AYUB 21:23

Oyúon in intau in mosehat kino ouput in kobiagannea; sia in minatoi takin puas bo pia in gina. Kopopatoinea in mopia pinongin porasaan sanang, bo awaknea in moropotpa totok.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

AYUB 24:19

Naonda bo salju noinggamá sin kinotugatan in mata in singgai, natuata in intau binaradosa iḻiom kon bonu in dunia in intau minatoi.

AYUB 24:20

Ki inánea tontaní in nokoḻiongdon kon inia, bo oḷuasi mita mongarat kon awaknea. Tangoinea in diá bidon toropon bui; sia in iyompat naonda bo pangkoi in kayu inta noumpag.

AYUB 26:5

Tubag i Bildad, “Intau mita kon dunia in intau minatoi mourot; tubig bo inta nogutun momanseḷ.

AYUB 26:6

Kon tayowon i Allah, dunia in intau minatoi nobukat, diá noioḻingoi dá koontongan-Nea.

AYUB 3:12

Nongonu sin akuoi in kinokoyotanbí i ináku, poḷat pinoteténea kon teténea?

AYUB 34:22

Diábí in sindip, umpakabí mopungit totok, in mokobuni kon intau baradosa.

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 32:27

Mosia in nokouḻí kon pinoḷobongan takin ihoromat naonda bo pahlawan dungkuḷmai inta noponag kon dunia in intau minatoi takin kodia-dia in pakakat in parang inta notouḷut. Pahlawan mita tatua in iḷobong takin pinopouḷun kon kedang bo kaḻeaw in kon tudu in dodob. Kon dodai in nobiagpa, pahlawan mita mongotorindog dá nokoondok kon bayongan in intau.