AYUB 28:1 - Alkitab Singog In Mongondow Masa In Tanaa

¹ Oyúonbí in pongongaḻian kon saḷaka; oyúon in pototubáan kon buḷawan.

AYUB 28:1 Iomraidhean Croise

KINOBAḺIAN 23:15

“Butá inta boḻinea tongá opat nogatut doit saḷaka–onubí in mangaḻenea intua kon i natonda? Ḷobongdon ki buḷoi tuang kon tua.”

KINOBAḺIAN 24:22

Naonda in unta nonginumdon dapot in nooropdon totok, bobantung i Abraham in nogamádon kon ḷambá mita buḷawan inta nongo mahaḷ, bodongka pinopopakénea kon ngiung in mongodeaga tatua. Bo kon poguḻingkitannea pinopoḷutudannea doman ḻingkit in buḷawan togapang.

DATU MITA IMITÁNEA 10:21

Komintan pakakat pongonginuman i Salomo in pinomia nongkon buḷawan, bo bayongan in pakakat kon Baḷoi Kayuon in Libanon in pinomiabí doman nongkon buḷawan taakan. Diábí in pinomia nongkon saḷaka, sin kon tungkuḷ i Salomo saḷaka tua in anggaponbí in intau diá in mangaḻenea.

AYUB 27:23

Kinoḷabúannea sinomu ginoḷokapan in intau; kon bayongan tampat siningkuḻe in sia.”

AYUB 28:2

Uatoi in kinaḻi nongkon bonu in butá; nongkon batu pinoḷoḷayat in bitú.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

AMSAL 17:3

Buḷawan bo saḷaka in ujionbí kon tuḷú, táe gina in intau in ujionbí i Tuhan.

AMSAL 27:21

Buḷawan bo saḷaka ujion kon bonu in tuḷú; intau in kotaauanbí kon dodianea kon tungkuḷ in dayowon.

YESAYA 48:10

Sinungkuḷan-Ku in iko kon bonu in tuḷú in roriga, naonda bo saḷaka sinubá kon bonu in tuḷú.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.