AYUB 27:6 - Alkitab Singog In Mongondow Masa In Tanaa

⁶ Akuoi in umuranbí kumadai kon kotoinduduiku, bo ginaku naa in umuranbí doman modarit.

AYUB 27:6 Iomraidhean Croise

AYUB 13:18

Nosadia bidon in akuoi mopotaau in pelekaraku; moyakinbí in akuoi, diábí in akuoi motaau potaḷáan!

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

AYUB 2:3

Ki Tuhan in noḻibó bui, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau in ná kotoindudui bo kopopianea tua. Sia in nosumba kon i-Nakó bo diábí kon dodai in onda in nogaid kon inta moraat. Sia in umuranpabí mosatia kon i-Nakó, umpakabí iko ain nodondouḷug kon i-Nakó kon mopobodito kon inia umpaka diá in kinodoyonannea.”

AYUB 27:7

Igumon mako musungku in hukumon baḻíon intau inta nogaid kon moraat, bo ḷawangku in bongkugon baḻíon intau inta mokotor.

AYUB 29:14

Motuḻid in aidku diábí in noitaḷá; pinosindogku onu inta moadil.

AYUB 31:6

Biódon mako in pononimbangan i Allah kon inakó kon tudu in pososimbangan inta mopia, dá kotaauan-Neadon kon akuoi in diá kotaḷá.

AYUB 31:7

Aka kuma bo akuoi in sinumabatdon kon daḷan inta moitutui, andeka ginaku noibogdon kon inta mokotor, aka ḻimaku bo nogaidon kon dosa,

AYUB 32:1

Popisí in ki Ayub in noyakin totok kon sia in diábí kotaḷá, dá totakinnea taya toḷu tua in doídon notubag kon inia bui.

AYUB 32:2

Táe kon tua oyúon in intau inta ki Elihu in tangoinea ki adí i Berakheel, buí i Bus nongkon inanakan i Ram. Sia in diádon nokotahang kon torúnea, popisí in ki Ayub ḷumabit kon totuu in sia bo mopotaḷá kon i Allah.

AYUB 40:8

Degá bayowanmu in koadilan-Ku, bo mopobanar kon inimu bo mopotaḷá kon i-Nakó?

AYUB 6:29

Dika mopoaid kon inta diá motuḻid, kosadardon! Dika mopotaḷá kon inakó, akuoi in totuubí kon diá kotaḷá.

AMSAL 4:13

Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.