AYUB 24:12 - Alkitab Singog In Mongondow Masa In Tanaa

¹² Kon kotá mita kodongogandon in amui in intau inta dongkadon oḷaton, intau mita inta pinaḻían nokuani mokituḷung, táe ki Allah in diábí nokidongog kon sambayang monia; Sia in doíbí mopandungmai kon i monia.

AYUB 24:12 Iomraidhean Croise

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

AYUB 24:11

Nongkon zaitun sia momia kon ḷana bo nongkon bungai in anggur, pomiaannea in inumon, táe sia tontaní in moyogangdon totok.

AYUB 24:13

Oyúon in intau mita inta doí motarima kon bayag bo mosaturu, diábí kinotaauan monia bo doíbí dumudui kon daḷannea.

AYUB 9:23

Aka intau inta diá kotaḷá bo modaḻí matoi, ki Allah in tongábí kumosing.

AYUB 9:24

Dunia in inogoi i Allah kon inta mongoraat, bo hakim mita binilogan-Neadon komintan. Ki Allah in nogaid kon bayongan tanaa, aka deeman Sia, yo ki inepa?

MAZMUR 10:13

Nongonu sin intau moraat in umuranbí mopoompámai kon i Allah bo morai kon ki Allah in diábí mohukum kon inia?

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

MAZMUR 69:26

Biódon mako ḷoḷaigan monia moingongow, bo ḷoḷaigan mita monia diádon in mogogutun.

IḶUAIAN 22:27

sin tongábí totobatú tatua in oḻit in awaknea pogoḻingoi kon awak sinbá diá tumonow. Aka diá pobuionmu bui kon inia, yo onupabí in pakéonnea kon wakutu in sia mosiugdon? Aka sia mokuani sin mokituḷung kon i-Nakó, dá indongogan-Kudon in sia sin motabi Akuoi kon inia.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

YESAYA 52:5

Tanaa onu in urusan-Ku kon naa? Intau in Babel nodakop kon i monimu natua mako. Mosia inta nondorot kon i monimu dinumodia bo tantú mopoompámai kon i-Nakó.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

MALEAKHI 2:17

Binaḻí monimu in ki Allah mobú in mokodongog kon oumanmu. Táe moiko in moḻibó, “Yo naondabí in pinopobú nami in ki Tuhan?” Takin tosingogon, “Bayongan in intau inta nogaid kon inta moraat in inanggap mopia i Tuhan, bo kinoibog-Nea in mosia.” Andeka moḻibó, “Kon onda in ki Allah inta inanggap moadil tatua?”

MALEAKHI 3:15

Inontong bidon naton tontaní kon intau mita inta moḷoḷatú in moḷungangabí. Intau moraat in deemanbí tongá modugang motomoman, táe mosia in monungkuḷbí doman kon kososabar i Allah pongin aid monia moraat, bo mosia in moisimparutbí doman.’ ”

PETRUS 2 3:15

Baḻíbí in kososabar i Tuhan naton tua in tobatú kasampatan inta inogoi-Nea kon i naton sinbá kita komintan in posaḷamaton-Nea. Soaḷ tanaa ain pinais doman i Paulus ki utat naton kon i monimu. Tua in pinaisnea lantaran kabijaksanaan i Allah inta inogoi kon inia.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.