AYUB 24:10 - Alkitab Singog In Mongondow Masa In Tanaa

¹⁰ Intau nobogá minayá takin diá koḷambung; ginogoi in sia kon dodai in mokoyut kon gandum kon gobá.

AYUB 24:10 Iomraidhean Croise

AYUB 24:11

Nongkon zaitun sia momia kon ḷana bo nongkon bungai in anggur, pomiaannea in inumon, táe sia tontaní in moyogangdon totok.

AYUB 24:9

Intau moraat in mononggata kon adí inta uno-unondon, bo mogamá kon ki adí mointok in intau nobogá inta koboḻi kon inia.

AYUB 31:39

aka kuma bo bungainea in nodaitku kinaan, bo monononggobá inta nomuḷa in pinomayáku mako ginogoi,

ULANGAN 24:12

Aka intau tatua nobiag nobogá, ḷambung tatua in dikabí tahangonmu tonggobii,

ULANGAN 24:19

Aka moiko mosipundon kon bungai in boyómu, dikabí in moiko mobui sin mopuyut kon gandum inta kinotaḷáan. Gandum tatua in mustibí pomayádon mako kon intau ango-angoi, adí uno-unon bo intau inta dongkadon boba-bobay, sinbá moiko barakatan i Tuhan Allahmu kon bayongan oaidanmu.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.