AYUB 22:9 - Alkitab Singog In Mongondow Masa In Tanaa

⁹ Deemanbí tongá iko diá notuḷung kon intau boba-bobay mita, táe inta uno-unon in dinorotmu doman.

AYUB 22:9 Iomraidhean Croise

AYUB 24:21

Tua komintan in nobaḻí sin sia in nondorot kon intau inta dongkadon boba-bobay mita, bo nopoaid kon inta moraat kon iná inta diá kogadí kon ḷoḷaki.

AYUB 24:3

Keledai in intau uno-unon, pinoḷagui monia; sapi in intau boba-bobay, ginamá monia nobaḻí tontagú.

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

AYUB 6:27

Nodapot in adí uno-unon sinayak monimu in daḷan kobiagannea pinongin nopogonik in undi, yobayatmu modagin inakaḷan monimu sinbá mobaḻí mooyúon.

MAZMUR 10:15

Putoḷaidon in kawasa in intau moraat bo moromú; hukumdon in mosia popisí in aidnea modapot in mosia motobat.

MAZMUR 37:17

Sin kawasa in intau moraat in putoḷonbí i Tuhan, táe intau mopia in ḷukadan-Neabí.

MAZMUR 94:6

Mosia in noḻimod kon boba-bobay bo uno-unon bo intau ango-angoi inta nogutun kon butá tanaa.

YESAYA 1:17

pobalajardon mogaid kon inta mopia. Posindogdon in inta moadil bo ḷumbúdon in aid mondorot; ogoidon kon uno-unon in hak monia bo duḷuai in pelekara in boba-bobay mita.”

YESAYA 1:23

Itoimu mita momomarontak bo nobaḻí ki ata in mononakow; mosia in moibog motarima kon tombuinag bo doit posogó. Mosia in doíbí moduḷu kon uno-unon kon pongadilan; doí mokidongog kon popongaduan in boba-bobay mita.

YESAYA 10:2

Pinongin aid natua moiko in moḷamboi kon intau bogá mokouḻí kon hak bo koadilan, bo mogagow kon kapunyaan in boba-bobay mita bo uno-unon.

YEREMIA 48:25

Ropot in Moab ain pinutoḷ, bo kawasanea in irimumudon. Akuoi, ki Tuhan, ain nosingog.”

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

YEHEZKIEL 30:22

Akuoi ki Tuhan Inta Totok in moḷantud in noguman: Akuoi naa in musung i datu in Mesir, bo kokaḷnea doyowa nosimpaḷ in putoḷon-Kubí, pinomayá inta noropotpa andeka inta ain noputoḷ. Dá moḷabúdon in kedang tatua nongkon ḻimanea.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 23:14

Koboditodon in moiko, mototundú mita kon agama bo intau mita in Parisi: Moiko in intau mita inta mongomunapik. Moiko monguboḷ kon intau mita inta dongkadon boba-bobay bo mogagow kon baḷoi monia. Moiko in mosambayang koḷanggo-ḷanggóon sin ponaḷob kon oaid monimu inta moraat tatua. Tuamain hukuman i Allah kon i monimu in pastibí kon moboga-bogat nongkon intau ibanea!]

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’