AYUB 22:12 - Alkitab Singog In Mongondow Masa In Tanaa

¹² Ki Allah in nogutun kon ḷangit inta moḷantud totok, bo moḷongow monag kon tundi mita inta moḷantud totok doman!

AYUB 22:12 Iomraidhean Croise

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 11:8

Kawasa-Nea in moḷantu-ḷantud nongkon toḷungayá; diábí kogawadanmu bo kogamáanmu. Kawasa-Nea in moona-onag nongkon dunia in intau minatoi, totokbí in diá komangaḻeanmu.

AYUB 35:5

Ḷangágdon kon ḷangit bo taridiai totuu moḷantud in goḷom mita.

MAZMUR 115:16

Ḷangit in tongábí ki Tuhan in kitogi, táe butá in inogoi-Nea kon intau.

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

MOHOHUTUBA 5:1

Poraipa muna bo mosingog, bo dika ḻimika-ḻikat in modandi kon i Allah. Sia in kon soroga bo iko in kon butá, dá dika kobaro-barongon in mosingog.

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?