AYUB 21:12 - Alkitab Singog In Mongondow Masa In Tanaa

¹² Sinakinan in singog in rebana, bansí bo kecapi, mosia in modondong moyotakin bo motayok.

AYUB 21:12 Iomraidhean Croise

KINOBAḺIAN 31:27

Nongonu sin iko in nonguboḷbí kon inakó takin minayá inumuni-uni, takin diá noguman? Aka kuma iko bo noguman, yo pasti inogoikubí iko minayá takin pia in gina bo inatod sinakinan in musik rebana bo kecapi!

KINOBAḺIAN 4:21

Ki ai-ainea tangoinea in ki Yubal, bo buí i Yubal naa in mopia totok mopogogitog in musik kecapi bo bansí.

AYUB 21:11

Ki adí mita in intau moraat ḷumansik magí mako takin pia in gina, naonda bo domba batánea inta moḷunganga in gina.

AYUB 21:13

Singgainea mita nouput kon bonu in kopiaan, bo minatoi in mosia kon bonu in dodamean.

MAZMUR 150:4

Dayowdon in Sia in rebana bo tayok, dayowdon in Sia in kecapi bo bansí.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.