AYUB 20:7 - Alkitab Singog In Mongondow Masa In Tanaa

⁷ táe moinggamábí in sia dapot in mononoi, mayá nongkon dunia pinongin daḷan inta mokooyá. Intau mita inta nokoimontandon nonotaau kon inia, in moḻibóbí “Uḻe, kon onda in binayáannea?”

AYUB 20:7 Iomraidhean Croise

DATU MITA IMITÁNEA 14:10

Tuamai in popoangoi-Kubí in bodito kon motoḷuadímu. Bayongan in buímu inta ḷoḷaki, onukabí in iḻitúannea yo ḻimodon-Kubí. Yopúon-Kubí in motoḷuadímu, notongkai ná intau nongait kon yoyatan kinodarit.

DATU MITA 2 9:37

bo kiagat in awak tatua in moitabudon magí mako naonda bo taai in mahaḷuk dá diábí tobatúmai in intau in monotaau kon mayat i ine intua.’ ”

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 14:20

Sinaḷow-Mu in sia modapot in mononoi; Pinotabá-Mu in sia minayá bo binaḷuian-Mu in batangannea.

AYUB 21:28

Iko in noḻibó, “Kon onda in baḷoi i mongongawasa inta nomia kon inta moraat?”

AYUB 27:19

Sia in mosiug saḷaku intau nooyúon, táe sia in diá motaau mopobui-buimai, Kon dodai in sia mobangon nongkon pinosiugannea, nobuḻidon komintan in kaoyúonannea.

AYUB 4:20

Mahaḷuk tatua in mobiag doḷo-doḷom, bo matoi moisimayat mako kon dodai in ḷoḷabungnea, bo diá bidon in sia toro-toropon bui.

AYUB 8:18

Táe, tungkuḷaika, rabut in tanaa mako in padang tatua, dá naonda bo diábí kon dodai in onda in sia in kon tua.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,

YESAYA 41:12

Iko in motayak kon intau mita inta moḷawang kon inimu, táe diá mouḻímu in mosia. Intau mita inta moparang takinmu tanaa in noyopúdon bo nobuḻídon.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

OBAJA 1:4

Umpakabí pomiaanmu in baḷoimu ná koḷantud in pugad in ḷagapan boniá, bo ná koḷantud in tundi mita kon ḷangit, yo iko in notantúbí kon pogonag-Ku.