AYUB 20:6 - Alkitab Singog In Mongondow Masa In Tanaa

⁶ Umpaka kawasanea nodapot in toḷungayá, modapot in uḷunea moitunduḷ kon goḷom,

AYUB 20:6 Iomraidhean Croise

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

DANIEL 4:11

Pangkoi in kayu tatua noḷantud totok; pangkoinea in moḷoben bo moropot. Ḷuntungnea in nodapot in ḷangit, dá koontonganbí in bayongan in intau kon sinangkub in dunia naa.

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

AMOS 9:2

Umpakabí mosia tumuot kon dunia in intau minatoi, singkapon-Kubí in mosia. Umpakabí moponik kon ḷangit, poponagon-Kubí in mosia nongkon tua.

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”