AYUB 20:11 - Alkitab Singog In Mongondow Masa In Tanaa

¹¹ Umpaka sia in nobagupa bo motorindog, táe topípa bo mobaḻídon in sia ḷobud inta diá baraguna.

AYUB 20:11 Iomraidhean Croise

AYUB 13:26

Sinantú-Mudon in kobiagan inta mopait kon inakó; Sinuḻían-Mu in taḷáku kon dodai in akuoi noguodpa.

AYUB 17:16

Aka akuoi moponag kon dunia in intau minatoi, akuoi in diá bidon bui in kamang.”

AYUB 19:20

Awakku dongkadon kuḻit nobakut kon tuḷan. Gogiódon akuoi matoi bo dimukudku in mayá.

AYUB 21:23

Oyúon in intau in mosehat kino ouput in kobiagannea; sia in minatoi takin puas bo pia in gina. Kopopatoinea in mopia pinongin porasaan sanang, bo awaknea in moropotpa totok.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YEHEZKIEL 32:27

Mosia in nokouḻí kon pinoḷobongan takin ihoromat naonda bo pahlawan dungkuḷmai inta noponag kon dunia in intau minatoi takin kodia-dia in pakakat in parang inta notouḷut. Pahlawan mita tatua in iḷobong takin pinopouḷun kon kedang bo kaḻeaw in kon tudu in dodob. Kon dodai in nobiagpa, pahlawan mita mongotorindog dá nokoondok kon bayongan in intau.

YOHANES 8:21

Ki Yesus in bui noguman kon i monia, “Akuoi in mayá, bo moiko i motayakbí kon i-Nakó, táe moiko in matoibí kon bonu in dosamu. ‘Tampat inta bayáan-Ku, diábí kodapotan monimu.’ ”

YOHANES 8:24

Tuamai Akuoi in noguman kon i monimu, kon moiko in matoibí kon bonu in dosa aka diá mopirisaya kon ‘Akuoibí in Sia inta sinumangoi Akuoi Oyúon’.”