AYUB 2:7 - Alkitab Singog In Mongondow Masa In Tanaa

⁷ Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

AYUB 2:7 Iomraidhean Croise

SAMUEL 2 14:25

Ki Absalom pinuji saḷaku intau inta totok in mogaga kon bayongan in Israel. Diábí in poḻiu kon kogaganea. Pinangkoi kon paḷad in sioḷnea nodapot kon ubung in buok diábí in bogitnea.

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

AYUB 1:11

Táe aka kuma bo bayongan in kaoyúonannea tatua bo gamáan-Mu, yo notantúbí kon bayá-bayáneabí kutukon in Iko!”

AYUB 13:28

Dá noyapakdon in akuoi ná kayu ampod; naonda bo daing kinarat in anoi sinumopad.

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

AYUB 30:30

Kuḻitku in irumondí; awakku in nopokak sin pinonik in patú.

AYUB 7:5

Awakku nopuḻing in oḷuasi bo dugú pongukudan; kuḻitku sinompaḻían bo ḷuaian in bobog.

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

YESAYA 3:17

Táe Akuoi in mohukumbí kon i monia; uḷu monia in mopuḻingbí in paḻí bo ḷogatan.”

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.

ULANGAN 28:35

Ki Tuhan in mopomukádon in kekeb mita inta monakit bo inta diádon mopia; nongkon sioḷ modapot in uḷu monimu mopuḻingdon in bituḷ mita.

WAHYU 16:11

Bo mosia in mogodi-godimai kon i Allah inta kon soroga lantaran nakitea bo lantaran bituḷ mita monia. Táe umpaka natua mosia in doíbí doman mogogai in mogaid kon inta mongoraat.