AYUB 2:5 - Alkitab Singog In Mongondow Masa In Tanaa

⁵ Akakuma bo awaknea potakiton-Mu, yo notantú bidon kon bayá-bayábí in sia mongutuk kon ini-Mu!”

AYUB 2:5 Iomraidhean Croise

TAWARIKH 1 21:17

Ki Daud in nosambayang, kainia, “Oo Allah, akuoibí in kitogi taḷá. Akuoibí in nopotabá nokiiap kon intau mita tatua. Bangusa tanaa in totokbí in diá kotaḷá! Oo Tuhan, Allahku, hukumdon in akuoi bo motoḷuadíku, táe poyayúdon in bodito tanaa kon umat-Mu.”

AYUB 1:11

Táe aka kuma bo bayongan in kaoyúonannea tatua bo gamáan-Mu, yo notantúbí kon bayá-bayáneabí kutukon in Iko!”

AYUB 1:12

Dá guman i Tuhan kon Ibilis, “Mopia, aidaidon in onukabí kon bayongan in kaoyúonan i Ayub, asaḷ bo dika yoyigaanmu in sia!” Bo minayádon in Ibilis tatua nongkon tayowon i Tuhan.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

AYUB 2:4

Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

AYUB 2:9

Ki buḷoinea in noguman kon inia, “Umpaka yo umuranpa doman in iko motoindudui kon i Allah? Kutukdon mako in Sia, bo kopatoidon!”

MAZMUR 39:10

Akuoi in kibio-biómai bo diá mobuká kon bibig, sin Ikobí in nosambok kon inakó.

YESAYA 65:3

Mosia in umuranbí mopobaḻí kon i-Nakó tumorú popisí in moposumba kon sosumba kon gobá mita sin ogoi kon dewa mita bo motubá kon kamania kon mezbahnea mita.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

IMAMAT 24:15

Mopaḷut mako kon tua potaaudon in soaḷ tanaa kon intau Israel: Ki ine in mogodi-godimai kon i Allah musti momotaan kon tontuḻí in oaidnea

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.