AYUB 2:4 - Alkitab Singog In Mongondow Masa In Tanaa

⁴ Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

AYUB 2:4 Iomraidhean Croise

KINOBAḺIAN 47:17

Bo inogoidon monia in biag monia kon i Yusup, bo ki Yusup nobogoi in kaanon kon i monia nobaḻí toḻiu in kabaḷo, domba, bembé, sapi bo keledai monia. Kon taong tatua ki Yusup nobogoi in kaanon kon i monia bo rayat nobogoi in bobiagon monia nobaḻí toḻiu in kaanon monia.

KINOBAḺIAN 47:19

Donaai pomayá mako matoi in kami! Donaai pomayá mako in gobá nami diá in mangaḻenea. Uboḻiaidon in gandum in kami bo butá mita nami. Kami bo butá nami in mobaḻídon kapunyaan i datu. Ogoiaipa kami in gandum sinbá mobiagpa in kami bo ogoiaipa doman in bibit sin pomuḷaan kon gobá tatua!”

DATU MITA IMITÁNEA 20:31

Porwiranea mita in namangoi kon inia bo noguman, “Guman in intau, datu mita in Israel in datu mita inta oyúon kototabi. Tuamai, ogoiaipa in wakutu in kami mayá kon tayowon i datu in Israel takin momaké in sosapi nobaḻí tomponuot kon nomanasaḷdon bo tontogot kon sigogow in nobaḻí tomponuot kon sinaḷowdon. Igumon mako diá ḻimodonnea in ki Tuang datu.”

AYUB 2:3

Ki Tuhan in noḻibó bui, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau in ná kotoindudui bo kopopianea tua. Sia in nosumba kon i-Nakó bo diábí kon dodai in onda in nogaid kon inta moraat. Sia in umuranpabí mosatia kon i-Nakó, umpakabí iko ain nodondouḷug kon i-Nakó kon mopobodito kon inia umpaka diá in kinodoyonannea.”

AYUB 2:5

Akakuma bo awaknea potakiton-Mu, yo notantú bidon kon bayá-bayábí in sia mongutuk kon ini-Mu!”

AMSAL 13:8

Intau nooyúon musti mopoḷuai in doitnea sinbá moaman in kobiagannea; intau bogá noiḷuat nongkon gogondok.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

MATIUS 6:25

Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

LUKAS 12:23

Sin mobiagbí in moponti-ponting in kaanon andeka awakbí in moponti-ponting in ḷambung.

YOSUA 9:24

Mosia notubag, “Pinomia nami in natua sin dinongogdon nami kon ki Tuhan Allah inta sinumba i Tuang tua ain nopotabá kon i Musa, mogogundoi-Nea tua, nobogoidon kon i Tuang in bayongan butá tanaa bo moḻimod kon bayongan in intau inta nogutun kon butá tanaa kon dodai in tai Tuang mogamádon kon butá tatua. Kami in moondokdon totok aka ḻimodon in kami, tuamai pinomia nami in tanaa mita.