AYUB 2:11 - Alkitab Singog In Mongondow Masa In Tanaa

¹¹ Bodito inta noiantug kon i Ayub in kinodongogandon in yobayatnea taya toḷu, ki Elipas, nongkon kotá in Téman, ki Bildad intau in Suah bo ki Zopar intau in Naama. Mosia in noyopakat kon mayá moindoi bo moḻipoi kon inia.

AYUB 2:11 Iomraidhean Croise

KINOBAḺIAN 25:2

Ki buḷoinea tatua nopononggadí in adí mita inta naa in tangoi monia: ki Zimran, ki Yoksan, ki Medan, ki Midian, ki Isybak, bo ki Suah.

KINOBAḺIAN 36:15

Naa in tongguḷu in suku mita buí i Esau: ki Elipas, ki adí guya-guyang i Esau, in nobaḻí mogoguyang in suku mita tanaa: Téman, Omar, Zepo, Kenas,

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

TAWARIKH 1 1:32

Ki Abraham in nokotonggadí doman kon i Ketura in adí mita ḷoḷaki inta: ki Zimran, ki Yoksan, ki Medan, ki Midian, ki Isybak bo ki Suah. Ki Yoksan in kogadí kon ḷoḷaki inta: ki Syeba bo ki Dedan.

TAWARIKH 1 7:22

Ki amá monia in nonogumatoi kon muḷoi in singgai dá ki utatnea mita in namangoi bo noḻipoi kon inia.

AYUB 11:1

Onda intua ki Zopar in noguman, “Degá ouman inta diá in mangaḻenea tua in musti tubagan? Musti degá intau inta mobayong in singog tua in popobanar?

AYUB 13:4

Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

AYUB 15:1

Dá ki Elipas in notubag, “Diá totuu, Ayub, pandoimu in totuubí kon diá in mangaḻenea! Diábí in intau moarip inta motubag ná iko naa, diábí in sia moduḷu kon inia tontaní takin tosingogon inta diá in mangaḻenea.

AYUB 16:20

Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 18:1

Dá tubag i Bildad, “Uḻe Ayub, toonu iko in mogogai mosingog? Kibio-biómaidon, bo indongogaipa in tanaa mosingog in kami.

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.

AYUB 19:21

Uḻe yobayatku mita, kotabipa in akuoi, sin ḻima i Allah nosambok kon inakó.

AYUB 4:1

Bo nosingogdon in ki Elipas, kainia: “Ayub, moyaat degá in ginamu aka mosingog in akuoi? Diádon mokotahang in akuoi in tongá umuran kibio-biómai.

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

AYUB 42:7

Naonda in nopaḷut mako nosingog kon i Ayub, nogumandon in ki Tuhan kon i Elipas, “Tumorú in Akuoi kon inimu bo kon yobayatmu taya dua, sin diá inouman monimu totu-totuu ki ine in Akuoi. Táe mogogundoi-Ku ki Ayub in diábí natua.

AYUB 42:9

Ki Elipas, ki Bildad bo ki Zopar in nogaid kon onu inta pinoki aid i Tuhan, bo ki Tuhan in notarima kon sambayang i Ayub.

AYUB 6:14

Kon bonu in roriga ná tanaa, moibog in akuoi kon yobayat inta totuu moyobayat. Umuranpa degá in akuoi motoindudui andeka monaḷámaidon kon ki Inta Totok in Mokawasa.

AYUB 6:19

Mododondaḷoi nongkon Syeba bo nongkon Tema notayak kon tubig tatua bo nongamang mako.

AYUB 8:1

Bo nosingogdon in ki Bildad, “Modapotpa in toonu in iko in mosingog natua? Singogmu mita naonda bo tompot inta mogirup moropot.

AMSAL 17:17

Yobayat tobatú umuranbí mosatia kon topotakin, táe utat tobatú moitakin mobaba kon roriga.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

AMSAL 27:10

Dika koḻiongan in yobayatmu andeka yobayat i amámu. Kon bonu in roriga dikabí mokituḷung kon i utatmu; topodiugmu inta modagin in mobara-baraguna nongkon i utatmu inta moyayú.

YESAYA 51:19

Iko in kinoantugan in doyowa norupa in bodito; popisí in parang, ḻipúmu in nogoguyaatdon komintan bo rayatmu in minatoi in gogoy. Diá in notabi bo noḻipoi kon inimu.

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

OBAJA 1:9

Pojuang mita nongkon Téman angoianbí in ondok, bo bayongan in tontara in Edom in matoi.”

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.