AYUB 19:5 - Alkitab Singog In Mongondow Masa In Tanaa

⁵ Kai monimukamai dá moikobí in mopia-pia in akuoi; rorigaku in inanggap monimu poponiataan in taḷáku.

AYUB 19:5 Iomraidhean Croise

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

AYUB 19:4

Aka kuma bo noitaḷá in aidku, yo diábí intua mokoporugimai kon i monimu.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 38:16

Táe akuoi in nongamang mako kon inimu, o Tuhan, bo Iko, Tuhan Allahku, in notubag kon inakó.

MAZMUR 41:11

Kotabipa kaasí in akuoi, o Tuhan, undamaipa in akuoi, sinbá akuoi motaau motuḻí kon aid moraat in saturuku mita.

MAZMUR 55:12

Kon bayongan in tampat oyúon in porimumudan; pondorotan bo ponombaḷukan in mongawasa kon pasar.

MAZMUR 55:13

Aka kuma bo musung in mongempeng kon inakó, yo mokotahangpabí in akuoi. Aka kuma bo saturu inta moningkuḻe kon inakó, yo motaaupabí in akuoi mogadop kon inia.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

MIKHA 7:8

Diábí in kinodoyonan in musung mita naton in moḷunganga in gina sin kon kinorimumudan naton. Sin umpakabí noḷabú in kita, yo kita in bui mobangon. Tanaa kita in kon bonu in sindip, táe ki Tuhan in monimbayagbí kon i naton.

ZEPANYA 2:10

Natuata in intau in Moab bo Amon hukumon popisí in koḷoḷatú bo kododia monia, bo popisí in mosia ain noningkuḻe kon umat i Tuhan Inta Totok in mokawasa.

ZAKHARIA 12:7

Akuoi, ki Tuhan, in muna-munamai mopountung kon tontara in Yohuda, sinbá kahoromatan inta sinarima in buí i Daud takin intau in Yerusalem in diá moiḻiu kon kahoromatan inta sinarima in intau in Yohuda ibanea.

LUKAS 1:25

Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

YOHANES 9:2

Murí-Nea mita in noḻibó kon i Yesus, “Pak Guru, nongonu sin intau tanaa in pinolahirbí bilog? Popisí in dosa i ine intua dosanea tontaní andeka dosa i iná bo i amánea?”

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

SAMUEL 1 1:6

Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.