AYUB 19:13 - Alkitab Singog In Mongondow Masa In Tanaa

¹³ Ginaḷum bo utatku pinoyayú-Nea kon inakó; akuoi in naonda bo intau ango-angoi kon bayongan in intau inta nogogintaauanku.

AYUB 19:13 Iomraidhean Croise

AYUB 16:20

Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 16:7

Ki Allah, nopobaḻí kon inakó moyoyiga; bayongan in motoḷuadíku iyopú.

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

AYUB 6:15

Táe moiko, ei yobayat mita, diá motaau pirisayaan bo pongata. Moiko in naonda bo ongkag inta noingkag, aka diádon monguya-nguyan.

AYUB 6:20

Táe kamang monia tua diá in mangaḻenea kon bingkí in ongkag inta diá in tubignea.

MAZMUR 31:11

Kobiaganku modait kon bonu in roriga, taongku mita moitaḻib kon bonu in amui mita. Ropotku in mogaat popisí in aidku moraat, nodapot in tuḷanku mita moripú.

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

MAZMUR 38:11

Putúku in modoḷodok, ropotku in nodait, mataku in noyambotdon.

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

MAZMUR 69:20

Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

MAZMUR 69:8

Sin popisíbí in Iko dá siningkuḻe in akuoi, popisí in Iko akuoi in irebeg.

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

MAZMUR 88:18

Kinoouput in singgai torú-Mu naonda bo ḷunud noiḻibu kon inakó, noḻipung kon inakó nongkon bayongan tampat.

MAZMUR 88:8

Torú-Mu nondorot kon inakó, akuoi in norimumud kinodorotan in torú-Mu.

OMBAḶ 1:19

Akuoi in nogoiní kon yobayatku mita inta mongodagin táe nomaḻidawan in mosia kon inakó. Imang mita bo itoi in bangusa komintandon minatoi kon daḷan mita in kotá. Kon tungkuḷ in notayak kon kaanon sinbá mobiagpa.

OMBAḶ 1:2

Kinoouput in doḷom sia in mongombaḷ moajar in gina, ḷuánea in motutug kon putongi. Diá tobatúmai in kon sigad in yobayatnea mita in moibog moḻipoi kon inia. Sia in Pinomaḻidawan in yobayatnea mita inta ain nonoḻikud bo nobaḻídon musung.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

TIMOTIUS 2 4:16

Kon wakutu in sinidang dungkuḷ totok kon inakó, diá in tobatúmai intau naton in noyotakinku, komintandon nonaḷámai kon inakó. Táe poigumonku mako sinbá diá potaḷáan i Allah in mosia sin nogaid kon soaḷ natua!