AYUB 17:4 - Alkitab Singog In Mongondow Masa In Tanaa

⁴ Iḻingkopan-Mu in gina monia dá diá in mosia momangaḻe; dika modapot in mosia mopokuyung kon inakó in tanaa.

AYUB 17:4 Iomraidhean Croise

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

AYUB 12:20

Pinomponan-Nea in bibig in intau inta motoḻindat mosingog, irabut-Nea in hikmat in guyanga mita.

AYUB 17:5

Podudui in singog tango-tangoion, ki ine in mopongadu kon yobayat popisí in motayak kon kauntungan, ki adínea mita tontaní in motarima kon tontuḻí.

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

SURAT I PAULUS KON JAMAAT RUM 11:8

Sin kon bonu in Buk Motusi ain pinais nanaa, “Binaḻídon i Allah in mosia naonda bo nosiug; bo dapot kon singgai naa mata monia in diá mokoontong bo bongoḷan monia in diá mokodongog.”

KORINTUS 1 1:20

Dá aka natua yo diá bidon in baraguna monia? Intau mita inta mongopandoi bo intau mita inta nonotaau kon bayongan in yagi-yagi? Sin pinoniatadon i Allah kon kapandoian intau kon dunia naa diábí in baragunanea!