AYUB 16:9 - Alkitab Singog In Mongondow Masa In Tanaa

⁹ Pinongin torú ki Allah in nomera-merak kon awakku; takin noyaat totok in gina inimindoi in Sia kon inakó.

AYUB 16:9 Iomraidhean Croise

AYUB 13:24

Nongonu sin simíbí in Iko bo momarut kon inakó? Nongonu sin inanggap-Mubí in akuoi musung-Mu?

AYUB 13:27

Sioḷku in sinogot-Mu in rante uatoi; bayongan in ḷampangku inindoian-Mu. Nodapot in paḷad in sioḷku, diábí moiḷagui kon mata-Mu.

AYUB 18:4

Torúmu in tongábí mokotakit kon awakmu. Musti degá tongá popisí in iko dunia naa kobuḻian in intaunea, bo buḷud mita in pampingon nongkon kinoukatannea?

AYUB 19:11

Torú i Allah kon inakó dumoko-dokot; akuoi in inanggap-Nea nobaḻí musung-Nea.

AYUB 30:21

Moraat in pinogogaid-Mu kon inakó, Iritakan-Mu in akuoi takin bayongan in ropot-Mu.

AYUB 33:10

Táe ki Allah in motayak kon kodoyonan moḷawang kon inakó, bo binaḻí-Nea in akuoi saturu.

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

MAZMUR 35:16

Mosia in umuranbí mopoḷoḻeke kon intau ḻempeng, bo mobobui kon inakó takin yaat in gina.

MAZMUR 37:12

Intau moraat in monomayábí kon inta moraat kon intau mopia, bo mobobui kon inia takin yaat in gina.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

OMBAḶ 3:10

Naonda bo beruang nogoḷat in Sia, naonda bo singa in Sia noḷabot kon inakó.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

MIKHA 7:8

Diábí in kinodoyonan in musung mita naton in moḷunganga in gina sin kon kinorimumudan naton. Sin umpakabí noḷabú in kita, yo kita in bui mobangon. Tanaa kita in kon bonu in sindip, táe ki Tuhan in monimbayagbí kon i naton.

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.