AYUB 16:4 - Alkitab Singog In Mongondow Masa In Tanaa

⁴ Aka kuma bo moiko nion in akuoi, bo akuoi in moiko, dá motaaubí doman in akuoi mosingog ná tatua. Yagi-yagidon in singogonku; totokbí in momombiḻing akuoi.

AYUB 16:4 Iomraidhean Croise

DATU MITA 2 19:21

ki Tuhan in noguman, “Kotá in Yerusalem kinumosing bo nopoompámai kon inimu, Sanherib.

AYUB 16:5

Ginamu in irotonankubí in noyagi-yagimai in tongganut; tosingogonku mita in mokoḻipoibí.

AYUB 35:16

Diábí in mangaḻe in pongingguputanmu kon tosingogonmu, nosilangdon, diábí kinotaauanmu onu in siningogmu.

AYUB 6:14

Kon bonu in roriga ná tanaa, moibog in akuoi kon yobayat inta totuu moyobayat. Umuranpa degá in akuoi motoindudui andeka monaḷámaidon kon ki Inta Totok in Mokawasa.

MAZMUR 109:25

Intau mita inta mokoontong kon inakó moningkuḻe kon inakó poḷat momombiḻing.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

MAZMUR 22:8

Bayongan inta nokoontong kon inakó, noempeng kon inakó, noruit kon bibig bo nomombiḻing.

MAZMUR 44:14

Binaḻí-Mu in kami tososingkuḻe in topodiug mita mosia in mopoḷoḻekemai bo kumosing kon inami.

AMSAL 10:19

Mobarong in singog, mokodugang doman kon dosa; intau inta mokoḷukad kon dilánea in mobijaksana.

MOHOHUTUBA 10:14

Totuu, intau bodok mobayong in singog. Singgai moiduduimai noibunibí kon inaton komintan. Diábí in mokotoḷanow kon onu in mobaḻí naonda in kita diádon.

YESAYA 37:22

ki Tuhan in noguman, “Kotá in Yerusalem kinumosing bo noningkuḻe kon inimu, Sanherib!

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 48:27

Sin intau in Israel koḻipod in kinosingan in Moab bo inouman magí mako naonda bo mosia in kinotambakandon noyotakin in mononakow mita?

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.