AYUB 16:22 - Alkitab Singog In Mongondow Masa In Tanaa

²² Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 16:22 Iomraidhean Croise

AYUB 10:21

Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 14:5

Umur in intau ain sinantú-Mu; kobayong in buḷannea ain sinigadan-Mu. Ain doman sinantú-Mu in kodapotan in kobiagannea; diábí doman in sia ḻimimpat kon tua.

AYUB 16:21

Ah, igumon mako ki Allah tontaní in moduḷu kon inakó kon tayowon-Nea, naonda bo intau inta totu-totuu motuḷung kon yobayatnea.

AYUB 17:1

Singgai kopatoianku in nodiugdon, gogiódon mobontow in poginaanku; dongkadon poḷoḷobongan in moyotakinku.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.