AYUB 15:8 - Alkitab Singog In Mongondow Masa In Tanaa

⁸ Degá dinongogmu in ki Allah nomia kon tomayá-Nea? Degá tongá iko in oyúon pandoi in intau?

AYUB 15:8 Iomraidhean Croise

AYUB 11:6

Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 29:4

Tuata in singgaiku mita inta mopia, kon tungkuḷ in ki Allah noibog noyobayatku kon bonu in baḷoiku.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

AMSAL 3:32

Sin, ki Tuhan in doíbí kon intau inta mogaid kon inta moraat, táe Sia in modaginbí kon intau inta motuḻid in kobobiagnea.

YEREMIA 23:18

Akuoi in noguman, “Diábí tobatúmai in nongkon nabi mita tatua in nonotaau kon onu in kon bonu in gina i Tuhan. Diábí in nongkon i monia in nokoimontandon nokodongog bo nomangaḻe kon tomayá-Nea mita; diábí doman in nonaridi andeka nokidongog kon tosingogon-Nea mita.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 13:35

Makusud-Nea, bá motompodon Pirman inta pinoguman in nabi nanaa, “Akuoi in moibog motundú táe momaké in poumpamaan; Akuoi in moibog mongonguman kon inta nongoibuni pinangkoipamai kon dunia naa binaḻí.”

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

SURAT I PAULUS KON JAMAAT RUM 11:34

Kon bonu in Buk Motusi ain pinais nanaa, “Ki ine in nonotaau kon raian i Tuhan? Ki ine in motaau mononggina kon i-Nia?

KORINTUS 1 2:16

Sin kon bonu in Buk Motusi pinaisdon nanaa, “Ki inebí in mokotaau kon raian i Tuhan? Bo ki inebí in motaau mononggina kon i-Nia?” Táe pikiran i Kristus in oyúonbí kon inami!

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”