AYUB 15:4 - Alkitab Singog In Mongondow Masa In Tanaa

⁴ Aka kuma bo tosingogonmu tua duduian, dá diábí in tobatúmai in intau in moondok andeka mosambayang bui kon i Allah.

AYUB 15:4 Iomraidhean Croise

AYUB 15:5

Tosingogonmu mita moponiata kon iko in kotaḷá, táe moraatmu in inoḻingoianmu in ouman diá totuu.

AYUB 27:10

Musti in sia mopoimoḷat mako kon kobobiag mopia nongkon i Allah, bo diá moḷopi-ḷopí in mosambayang kon i-Nia.

AYUB 5:8

Aka akuoi in ná kaadaanmu, yo mokuanibí in akuoi kon i Allah. Kon i-Nia in popongaduanku, poḷat moposarakan in pelekaraku.

AYUB 6:14

Kon bonu in roriga ná tanaa, moibog in akuoi kon yobayat inta totuu moyobayat. Umuranpa degá in akuoi motoindudui andeka monaḷámaidon kon ki Inta Totok in Mokawasa.

MAZMUR 119:126

Tuhan, wakutu-Mudon mopobayá in oaidan-Mu, sin intau mita iḻimimpatdon kon hukum-Mu.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

AMOS 6:10

Intau tobatú inta kon motoḷuadían inta monoḻisí kon poḷobongan kon inia, in mamangoibí bo modia ḷumuai kon mayat in ginaḷumnea. Sia in momaḷúbí kon intau inta kon tumimai in baḷoi tatua, “Oyúonpa degá in nobiag koḻikud in iko?” Dá kodongogandon in tubag moguman, “Diá!” Tombonu in motoḷuadí inta pinoki ḷobongan tatua in moguman, “Dikadon mosingog bui! Kita in diábí motaau in monangoi kon tangoi i Tuhan.”

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

GALATIA 2:21

Diábí sinolakku in totabi i Allah. Sin aka kuma bo oyúon in kasaḷamatan aka dumudui kon hukum in agama, yo diá bidon mangaḻe in kinopatoian i Kristus!