AYUB 14:7 - Alkitab Singog In Mongondow Masa In Tanaa

⁷ Oyúonpabí in kamang kon pangkoi in kayu inta ain pinupuḷ; buibí in sia momoḻimping, bo monanga.

AYUB 14:7 Iomraidhean Croise

AYUB 14:14

Sin, aka intau matoi, mobiag bui degá in sia? Pomuḷoi in singgai akuoi mogoḷat modapot in singgaiku inta mopait tanaa monaḷámai.

AYUB 14:6

Pomayádon mako in sia mogogai, dika tuyayowon in sia; sinbá korasaannea in kobiagannea modapot in mopaḷut in oaidannea.

AYUB 14:8

Umpaka kon bonu in butá uakatnea moampod, bo tuodnea in moḷaḷow sin nobongkog,

AYUB 19:10

Sia in nondangat kon inakó nongkon bayongan tampat, naonda bo intau norabut kon uakat in pinomuḷa, bo pinomayánea mako natua bo noḷaḷow, natuata in pinogogamá-Nea kon bayongan in kamangku.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:15

Táe pomayádon mako in tuodnea noikanom mako kon bonu in butá. Togotdon in rante uatoi bo bitú bo taḷaaidon kon rawang in bonok. Pomayádon mako in sia buntadan in topuot, bo mobiag moyotakin in mahaḷuk mita bo mobobiag mita.