AYUB 13:4 - Alkitab Singog In Mongondow Masa In Tanaa

⁴ Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

AYUB 13:4 Iomraidhean Croise

NEHEMIA 6:8

Táe akuoi in nokidia in tontubag nanaa, “Bayongan inta pinogumanmu tua in diábí totuu bo tongábí ouman inta ai-aidan i Utat.”

AYUB 27:12

Táe, moiko komintan ain nokoontong tontaní. Dá, nongonu sin moiko in mobogoibí in tonggina inta diá in mangaḻenea?”

AYUB 6:15

Táe moiko, ei yobayat mita, diá motaau pirisayaan bo pongata. Moiko in naonda bo ongkag inta noingkag, aka diádon monguya-nguyan.

AYUB 6:20

Táe kamang monia tua diá in mangaḻenea kon bingkí in ongkag inta diá in tubignea.

AYUB 6:21

Naonda bo ongkag tatuata in moiko, yobayatku; iko inumundok bo noondok in nokoontong kon rorigaku.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

IḶUAIAN 20:16

Dika moponapud in uboḷ kon intau ibanea.

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

YEREMIA 30:13

Diá bidon tobatúmai in intau in moḷongasi mongudam kon inimu, diábí in undam in bituḷmu mita, diádon in kamangmu kon mopiapa.

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

YEREMIA 6:14

Kekeb mita in umat-Ku inanggap monia in kekebbí mointok. ‘Ah, diábí nongonu,’ guman monia, ‘komintanbí mopia bo moodom.’ Bokaka totokbí in diá.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

MARKUS 2:17

Táe dinongog i Yesus in ḷoḻibó monia tatua, dá sinubagan-Nea, “Intau mita mosehat diábí moparaḷu kon dokter, tongábí intau motakit. Bo Akuoi in namangoi deemanbí mogoiní kon intau inta monganggap kon mopiadon in sia, táe mamangoibí kon intau mita inta ain inanggap yoyatan.”

MARKUS 5:26

Bayongan kapunyaannea noitaḷuidon komintan sin pokiundaman kon i dokter, táe diá in mokopia, sedang bo tongábí modugang moyoyiga.