AYUB 12:9 - Alkitab Singog In Mongondow Masa In Tanaa

⁹ Ki ine in kon sigad intua komintan in diá nonotaau, kon inta nomia kon i monia tua in ki Allahbí tontaní?

AYUB 12:9 Iomraidhean Croise

KINOBAḺIAN 1:20

Onda intua ki Allah in noguman, “Koibog-Ku kon bonu in tubig mobiag in moyagi-yagimai in mahaḷuk, bo kon toḷungayá mobarong in ḷagapan inta noḷayu-ḷayugan.”

AYUB 12:3

Akuoi in intaubí doman inta koakaḷ; bayongan inta siningog monimu tua in kinomangaḻeanku bidon. Apadoman, ki inebí in diá nonotaau kon tua komintan? Dá, dikabí kaimonimu kamai in noiḻiubí in moiko kon inakó!

AYUB 12:8

Poigumdon kon insilang kon mahaḷuk kon butá bo kon dagat, dá mokouḻíbí in moiko kon intarangnea.

AYUB 13:1

Bayongan intua nokoimontandon inontong bo dinongogku tontaní, bo totu-totuubí kinomangaḻeanku.

AYUB 22:18

Bokaka ki Allahbí in inta nopobaḻí kon i monia nooyúon! Totuu kon diábí in akuoi momangaḻe kon raian in intau moraat!

YESAYA 41:20

Dá bayongan in intau in mokoontongbí kon inia bo monotaau kon Akuoi, ki Tuhan, inta nogaid kon tua. Mosia in monaridibí bo momangaḻe, Ki Allah mokudus in Israel in nonompia kon tua.”

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

OUMAN IN RASUL MITA 19:35

Noonggotmai kon tua dá jurutulis in sidang kon kotá tatua nokopoonow kon kaadaan tatua. Sia in noguman, “Ei intau mita in Epesus! Kinotaauanbí in bayongan intau kon kitabí inta kon Epesus naa in intau inta totok monompiamai kon baḷoi i Dewi Artemis bo batu motusi inta moḷabúmai nongkon ḷangit.

SURAT I PAULUS KON JAMAAT RUM 11:36

Ki Allah in nomia kon bayongan yagi-yagi. Komintanbí nongkon i Allah bo pinomakusudbí doman kon i-Nia. Dinayo-dayowdon in ki Allah nodapot in kopaḷutan dunia naa! Amin.

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.