AYUB 11:8 - Alkitab Singog In Mongondow Masa In Tanaa

⁸ Kawasa-Nea in moḷantu-ḷantud nongkon toḷungayá; diábí kogawadanmu bo kogamáanmu. Kawasa-Nea in moona-onag nongkon dunia in intau minatoi, totokbí in diá komangaḻeanmu.

AYUB 11:8 Iomraidhean Croise

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

AYUB 11:9

Kawasa i Allah in moḷobe-ḷoben nongkon dunia, bo mooḷa-oḷad nongkon baḷangon.

AYUB 22:12

Ki Allah in nogutun kon ḷangit inta moḷantud totok, bo moḷongow monag kon tundi mita inta moḷantud totok doman!

AYUB 26:6

Kon tayowon i Allah, dunia in intau minatoi nobukat, diá noioḻingoi dá koontongan-Nea.

AYUB 35:5

Ḷangágdon kon ḷangit bo taridiai totuu moḷantud in goḷom mita.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 38:17

Nokoimontandon degá in intau nopoontong kon inimu in ḷoḷuang kon tayowon in dunia in intau minatoi inta sindip totok?

AYUB 7:9

Naonda bo goḷom inta ontongon mako bo mayádon, intau in matoi domandon, diá bidon mobui mangoi. Bayongan intau inta nokoimontandon nonotaau kon inia, mokoḻiongdon kon inia bo diá bidon toroponnea bui.

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 148:13

Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

YESAYA 55:9

Ná kinoyoyayú in ḷangit nongkon butá, dá natua doman in koḷantud in raian-Ku nongkon raianmu, bo daḷan-Ku kon ḻimonik in daḷanmu.

AMOS 9:2

Umpakabí mosia tumuot kon dunia in intau minatoi, singkapon-Kubí in mosia. Umpakabí moponik kon ḷangit, poponagon-Kubí in mosia nongkon tua.