AYUB 11:7 - Alkitab Singog In Mongondow Masa In Tanaa

⁷ Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

AYUB 11:7 Iomraidhean Croise

AYUB 22:12

Ki Allah in nogutun kon ḷangit inta moḷantud totok, bo moḷongow monag kon tundi mita inta moḷantud totok doman!

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

AYUB 27:11

Moiko in tundúonku kon kokokawasa i Allah, potaauku kon inimu in tomayá i Inta Mokawasa totok.

AYUB 33:12

Uḻe Ayub, noitaḷá totok in singogmu! Sin ki Allah in moḷobe-ḷoben in intau.

AYUB 33:13

Nongonu sin iko in moponapudbí kon i Allah kon Sia in doí mokidongog kon amui in intau?

AYUB 35:5

Ḷangágdon kon ḷangit bo taridiai totuu moḷantud in goḷom mita.

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

AYUB 37:23

Totuu kon moḷoben in kawasa i Allah naton; diá mokosanggup in kita in dimiug kon i-Nia, Sia in mojujur bo umuran moadil; diábí kon dodai in onda in Sia in mondorot kon intau.

AYUB 37:5

Pinodoyon in parenta i Allah, dá nobaḻí in mujizat, inta mokoherang mita inta diá kinotaauan naton.

AYUB 42:3

Iko in noḻibó mongo nongonu sin akuoi in mokobaḻíbí in diá mopirisaya kon hikmat-Mu bokaka akuoi tontaní in diábí nonotaau in onu bo onu. Akuoi naa in nosingog kon onu mita inta diá kinomangaḻeanku, onu mita inta totok in mokoherang kon inakó naa.

AYUB 5:9

Aid mita i Allah diá in poḻiuan; diábí komangaḻean naton intua. Inta mokoherang mita inta inaidan-Nea, diádon koiapan bo diábí modait-dait.

MAZMUR 139:6

Moiḻiu in ako kon inakó in sinotaau-Mu tatua, diábí kogawadan in raianku.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 77:19

Gotup mondoradá, kilat in moburiang mako, butá modandú bo mourot.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

MOHOHUTUBA 3:11

Pinomianea in bayongan yagi-yagi mopia kon wakutunea. Inogoian-Nea in ibog in kita monotaau kon onu in mobaḻí kon singgai moiduduimai, táe diá mokosanggup in kita monotaau kon aid i Allah nongkon pinomangkoianmai modapot in imbuitnea.

MOHOHUTUBA 7:24

Ki ine in mokodungkuḷ kon mangaḻe in kobiagan naa? Moiḻiu in ako komangaḻean!

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

MATIUS 11:27

Bo ki Yesus in noguman, “Bayongan yagi-yagi inogoi i Amá kon i-Nakó, bo diá doman tobatúmai in nonotaau kon Adí koḻikudbí in ki Amá, bo diá doman tobatúmai intau in nonotaau kon i Amá kuḻikudbí in Adí bo intau inta kinoibog in Adí popoontongan.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

KORINTUS 1 2:10

Táe komintan bidon pinotaau i Allah kon i naton pinotonsigad kon Roho-Nea. Bo Roho tatua doman in moindoi kon bayongan in yagi-yagi nodapot in tomayá mita i Allah inta nongoibuni.

KORINTUS 1 2:16

Sin kon bonu in Buk Motusi pinaisdon nanaa, “Ki inebí in mokotaau kon raian i Tuhan? Bo ki inebí in motaau mononggina kon i-Nia?” Táe pikiran i Kristus in oyúonbí kon inami!

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;