AYUB 11:6 - Alkitab Singog In Mongondow Masa In Tanaa

⁶ Bo igumon mako popotaauan-Nea in iko, kon hikmat tua in nobayongbí in batangannea, bo diábí komangaḻean in intau. Dá pokosadardon kon rorigamu in diábí tongo onu, poyobandingonmai in hukuman inta patus tarimaanmu.

AYUB 11:6 Iomraidhean Croise

EZRA 9:13

Kami in binaradosadon bo iḻimimpatdon kon hukum-Mu, bo Iko in nohukumdon kon inami. Táe kinotaauanbí nami, o Allah nami, kon hukuman inta inogoi-Mu tua in diábí ná kobogat in inta musti tarimaan nami, nodapotbí in kami in pinosaḷamat-Mupabí.

AYUB 11:5

Táe, igumon mako ki Allah tontaní in mosingog!

AYUB 15:11

Nongonu sin ḷoḻipoi i Allah in mororigamubí tarimaan? Siningog nami pinongin sabar bo moḷukó pinodoyon kon tangoi-nea.

AYUB 15:5

Tosingogonmu mita moponiata kon iko in kotaḷá, táe moraatmu in inoḻingoianmu in ouman diá totuu.

AYUB 15:8

Degá dinongogmu in ki Allah nomia kon tomayá-Nea? Degá tongá iko in oyúon pandoi in intau?

AYUB 22:5

táe popisíbí in nobayong totok in dosamu, bo totuu moraat in aid bo dodiamu.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

AYUB 33:12

Uḻe Ayub, noitaḷá totok in singogmu! Sin ki Allah in moḷobe-ḷoben in intau.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 103:10

Sia in diábí mohukum kon inaton podudui in dosa naton, andeka motuḻí kon inaton podudui in taḷá naton.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

DANIEL 2:28

Táe kon soroga oyúon in ki Allah inta nomukat kon bayongan inta noibuni, bo sia in nopotaaudon kon i Tuangku onu inta mobaḻí kon singgai moiduduimai. Tanaa, ogoipa kaasí in bobantung tanaa in moginsilang kon togoindop bo oontongon inta sinarima kon tungkuḷ nosiug tua.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

MATIUS 13:35

Makusud-Nea, bá motompodon Pirman inta pinoguman in nabi nanaa, “Akuoi in moibog motundú táe momaké in poumpamaan; Akuoi in moibog mongonguman kon inta nongoibuni pinangkoipamai kon dunia naa binaḻí.”

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

ULANGAN 29:29

Tongonu nopasaḷ in binuni i Tuhan Allah naton; táe hukum-Nea in pinoniata-Nea kon i naton, bo kita takin buí naton in musti umuran dumudui modapot in adí bo ompu.”