AYUB 10:8 - Alkitab Singog In Mongondow Masa In Tanaa

⁸ Akuoi naa in pinomiabí in ḻima-Mu, umpaka yo tanaa yopúon-Mu in akuoi?

AYUB 10:8 Iomraidhean Croise

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

AYUB 13:19

Tuhan, aka Iko in mamangoi bo moponapud kon inakó, yo kibio-biómai in akuoi bo mogoḷat kon kopatoianku.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

AYUB 9:17

Sia in nomutú kon inakó pinongin deḷang, bo nodugang kon rorigaku takin diá in kinodoyonan.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 119:73

Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

MAZMUR 139:15

Kon tungkuḷ in tuḷanku mita pinomia, takin pandoi pinipid kon bonu in bobuḷadían i ináku, kon dodai in akuoi nobiag noiadop kon tua, akuoi in diábí noiadop kon ini-Mu.

MAZMUR 139:16

Iko in nokoontongbí kon inakó kon tungkuḷ in akuoi kon bonupa in bobuḷadían; komintanbí pinais kon bonu in buk-Mu; singgainea mita in sinantú bidon kon tungkuḷ in diápa tobatúmai in pinangkoi.

MAZMUR 33:15

Siabí inta nomia kon gina monia, bo nonotaau kon bayongan in oaid monia.

YESAYA 43:7

Sin mosia komintan ain inoiní pinodoyon kon tangoi-Ku. Mosia in binaḻí-Ku sin mohoromat kon i-Nakó.”