AYUB 10:21 - Alkitab Singog In Mongondow Masa In Tanaa

²¹ Diádon moonggot mayá in akuoi bo diádon mobui mangoi, mopobayá in dunia inta mosindip bo modingungui totok,

AYUB 10:21 Iomraidhean Croise

SAMUEL 2 12:23

Táe tanaa, naonda in sia minatoi, onupabí in mangaḻenea umuran in akuoi mopuasa? Degá mokobiag bui in akuoi kon inia? Kon singgai moiduduimai akuoibí in mayá in tampat inta binayáannea, táe tanaa in diábí in sia mamangoi bui kon inakó.”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

AYUB 10:22

dunia inta mosindip, nopuḻing in oḻinow bo notombauk, bayag notongkai in pungit.”

AYUB 16:22

Taongku mita inta kiagatnea in noyakagdon; topiḻikpa bo mayá in akuoi bo diá bidon mobui mangoi.

AYUB 17:13

Tongádon dunia in popatoi in mobaḻí kamangku, kon tuata in akuoi mosiug kon bonu in sindip.

AYUB 3:13

Aka kuma bo kon dodai intua akuoi bo minatoidon, dá nosiugbí in akuoi bo nogogai takin pia-pia,

AYUB 3:5

Baḻídon in singgai tua mosindip totok, pungit totok, moḷobog bo modingungui; puḻingaidon in goḷom mita, oḻingoiaidon nongkon sindar in mata in singgai.

AYUB 34:22

Diábí in sindip, umpakabí mopungit totok, in mokobuni kon intau baradosa.

AYUB 38:17

Nokoimontandon degá in intau nopoontong kon inimu in ḷoḷuang kon tayowon in dunia in intau minatoi inta sindip totok?

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 39:13

Indongogaipa kaasí in sambayangku o Tuhan, taridiaipa in oigumku; dikabí kaasí tongá kibio-biómai aka akuoi mongombaḷ. Naonda bo bayongan in mogoguyangku, tongábí motoyong akuoi in moniung kon ini-Mu.

MAZMUR 49:20

yo sia in moiduduibí doman kon mogoguyangnea mayá in tampat inta mosindip modapot in mononoi.

MAZMUR 88:13

Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

MAZMUR 88:6

Akuoi in sinaḷáan kon yua-yuak in intau minatoi, naonda bo intau kinoḻimodan, noiuḻid mako kon bonu in poḷoḷobongan, naonda bo intau inta totokdon in kinoḻiongan-Mu, intau inta diádon sinuḷungan-Mu bui.

MOHOHUTUBA 11:8

Posukurbí in iko aka modugang in umur. Táe torop, umpakabí moonggot in kobiaganmu kon dunia, yo wakutumubí kon dunia in intau minatoi in moonggo-onggot. Dá, onu in motaau oḷaton mako? Komintanbí parasuma bo diá in mangaḻenea.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 38:11

Gumanku, akuoi in diádon mokoontong bui kon i Tuhan kon dunia, andeka moindoi kon intau kon dunia naa.

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!