AYUB 10:15 - Alkitab Singog In Mongondow Masa In Tanaa

¹⁵ Aka akuoi mogaid kon dosa, dá nasibku in totuudon kon mobodito! Táe aka aidku diá in noitaḷá, umuranbí doman in akuoi inanggap nomia kon dosa! Diá mokobaḻí in akuoi ḷumangag, sin morobonod in gina bo ná siningkuḻe.

AYUB 10:15 Iomraidhean Croise

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 21:6

Aka raionkumai in kaadaanku naa mourot in akuoi sin moondok.

AYUB 23:15

Popisí in moondok kon i-Nia, nourot in akuoi; aka totok in raionku intua komintan, dá modugangdon in ondokku.

AYUB 27:7

Igumon mako musungku in hukumon baḻíon intau inta nogaid kon moraat, bo ḷawangku in bongkugon baḻíon intau inta mokotor.

AYUB 6:29

Dika mopoaid kon inta diá motuḻid, kosadardon! Dika mopotaḷá kon inakó, akuoi in totuubí kon diá kotaḷá.

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

AYUB 9:15

Umpaka akuoi diá kotaḷá, onu in dayaku, koḻikud in mopoigum in totabi kon i Allah hakimku?

AYUB 9:29

Dá, aka natua, onupabí in motaauku aidan?

MAZMUR 119:153

Indoiaipa kaasí in rorigaku bo posaḷamatpa in akuoi, sin diábí sinaḷáanku in hukum-Mu.

MAZMUR 25:18

Tondudutdon in roriga bo susahku, bo ampungaidon kaasí in bayongan in dosaku.

MAZMUR 44:16

Kinoouput in singgai akuoi empengon, bo oyá in moikaḷumbun kon inakó,

MAZMUR 83:16

Duduraidon in mosia in deḷang-Mu, taḻikokogaidon i mosia in tompot moropot-Mu.

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

LUKAS 17:10

Natua doman in moiko. Aka inaidandon mita monimu in onu inta pinoki aid kon i monimu yo singogdon nanaa, ‘Kami naa in tongábí bobantung mita inta diá in baragunanea; kami in tongábí mogaid kon onu inta pinoki aid kon inami.’ ”