AYUB 1:8 - Alkitab Singog In Mongondow Masa In Tanaa

⁸ Bo ki Tuhan in noḻibó, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau inta ná kotoindudui bo ná kopopia in ginanea. Sia in nosumba kon i-Nakó bo diábí nogaid kon tobatúmai in moraat.”

AYUB 1:8 Iomraidhean Croise

DATU MITA 2 23:25

Diápa kon dodai in onda in datu in ná ki Datu Yosia inta nogundoi kon i Tuhan takin ḻimbatú in ginanea, bo noponiata intua kon kobobiag bo aidnea, podudui in bayongan in hukum inta kon bonu in buk i Musa. Naonda in noiduduimai kon i Datu Yosia, diá bidon in datu in ná sia tua.

NEHEMIA 5:15

Gubernur mita inta noiuna kon inakó in nokodugangdon kon roriga in rayat sin mosia in monuntut kon opat nopuḷú in doit saḷaka in tosinggai sin pakéon kon pongaanan bo anggur. Moidapot doman in pogawai mita monia in mondorot kon rayat. Táe akuoi in doíbí mogaid kon natua sin moondok in akuoi kon i Allah.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 2:1

Mahaḷuk mita in soroga bui namangoi kon i Tuhan, bo Ibilis in kon tua doman.

AYUB 2:3

Ki Tuhan in noḻibó bui, “Degá sinaridimudon in mogogundoi-Ku ki Ayub? Kon sinangkub in dunia naa diábí in intau in ná kotoindudui bo kopopianea tua. Sia in nosumba kon i-Nakó bo diábí kon dodai in onda in nogaid kon inta moraat. Sia in umuranpabí mosatia kon i-Nakó, umpakabí iko ain nodondouḷug kon i-Nakó kon mopobodito kon inia umpaka diá in kinodoyonannea.”

AYUB 34:14

Aka kuma bo ki Allah in morabut kon nyawa in intau, bo mogamá bui kon tompot kobiagannea,

AYUB 8:20

Táe ki Allah in diábí kon dodai in onda in monaḷámai kon intau inta motoindudui, bo diábí doman kon dodai in onda in Sia in motuḷung kon intau moraat.

MAZMUR 18:23

Bayongan in hukum-Nea sinaridianku, parenta-Nea mita diábí in sinaḻibanku.

MAZMUR 34:14

Dika mosingog kon inta mongoraat, bo dika moibog kon tompobaḻik.

MAZMUR 36:1

Kon i itoi in mododondong. Nongkon i Daud, mogogundoi i Tuhan.

MAZMUR 37:27

Taḷaaidon in inta moraat, aidaidon inta mopia, dá modapotbí in mononoi in buímu mogutun kon butá tatua.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

YESAYA 1:16

Daritaidon in awakmu kodariton totok. Gogaiai in bayongan inta moraat inta inaidan monimu tua. Dikadon bui mogaid kon inta moraat,

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

PINOGIAPAN 12:3

Ki Musa naa in intau inta moompá totok in dodia, noiḻiu kon bayongan intau inta nobiag kon dunia naa.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

YOSUA 1:2

Guman-Nea, “Mogogundoi-Ku ki Musa minatoidon. Dá tanaa iko takin bayongan in umat Israel posadiadon ḷumoḷan kon Ongkag in Yordan, bo mayá tumuot kon butá inta ogoi-Ku kon i monia.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.