AYUB 1:3 - Alkitab Singog In Mongondow Masa In Tanaa

³ Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

AYUB 1:3 Iomraidhean Croise

KINOBAḺIAN 12:16

Pinopisí in ki Sarai, dá ki Abram in sinomu nopia totok i datu poḷat inogoian in bobantung mita, takin paanan in domba, bembé, sapi, keledai bo unta.

KINOBAḺIAN 13:6

Tuamai butá kon tua in diádon tugat in bonok popokaanan in bayongan bobiagon monia inta mobarongdon totok tua.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 25:6

táe kon dodai in sia nobiagpa nobarongbí doman in tombuinag inogoinea kon i adínea mita inta nongkon i buḷoinea ibanea. Onda intua pinotabáneadon in ki adínea mita tatua nomamping kon butá inta kon dotá in pomukaan kon Kanaan, sinbá yumayú kon i Ishak ki adínea.

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

KINOBAḺIAN 34:23

Bain bayongan paanan bobiagon monia bo bayongan kapunyaan monia mobaḻí doman kapunyaan naton. Dá koḻigai bá duduiandon naton onu in pinoigum monia tua sinbá mosia in mogutundon moyotakin naton.”

SAMUEL 2 12:2

Ki inta nobiag nooyúon kobobiagon inta moantó bo kodomba,

DATU MITA IMITÁNEA 4:30

Kon butá mita kon dotá in pomukaan bo kon Mesir diábí in intau inta mopando-pandoi kon inia.

DATU MITA 2 15:20

Pinototayak i Menahem kon doit tatua in nomakisa kon intau mita inta nooyúon kon Israel kon batúannea mobogoi in ḻima nopuḷú in doit saḷaka. Tuamai in ki Pul nonaḷámai kon butá tatua bo nobui kon butánea tontaní.

DATU MITA 2 3:4

Ki Datu Mesa nongkon Moab in nonombobiagon kon domba inta moantó. Nobaḻí pajak kon i datu in Israel, muḷoi in taong musti in sia mobogoi in 100.000 in ki adí in domba bo bubuḷ doman in domba nongkon domba koḷakian 100.000.

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

TAWARIKH 2 32:29

Koḻikud intua noposindog doman in sia kon nobayong in kotá. Kaoyúonan inta inogoi i Allah kon inia noiḻiudon in kobayongnea.

AYUB 1:10

Sia, motoḷuadínea bo bayongan in kaoyúonannea umuran iḷukadan-Mu. Oaidannea in binarakatan-Mu bo inogoian-Mu in sia in bobiagon nobayong totok kon butá tanaa.

AYUB 1:4

Ki adí i Ayub taya pitu in mokakit momia kon bobutungan kon baḷoinea-baḷoinea mopoyo-poyoḷuan. Kon bobutungan tatua ki adí bobay i Ayub taya toḷu in oiníon doman, bo mosia komintan in mongaan bo monginum moyotakin.

AYUB 21:28

Iko in noḻibó, “Kon onda in baḷoi i mongongawasa inta nomia kon inta moraat?”

AYUB 29:25

Akuoibí in nobaḻí itoi, bo nonantú kon bayongan in tosingogon. Diniaku in mosia naonda bo datu kon yuak in tontaranea, bo iḻipoiku in mosia kon bonu in roriga in ginanea.

AYUB 31:25

andeka mongonguman kon kaoyúonanku.

AYUB 31:37

Potaaukubí kon i Allah in bayongan inta inaidanku; tayowankubí in Sia takin barani bo ḷumangag.

AYUB 42:10

Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

AYUB 42:12

Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

YEREMIA 49:28

Naa in pinoguman i Tuhan soaḷ suku in Kedar bo butá mita inta kinawasa i Hazor, inta ain inagow i Nebukadnezar datu in Babel, “Ei Nebukadnezar, tubudon in suku in Kedar bo yopúdon in intau mita kon dotá in pomukaan!

PINOGIAPAN 23:7

Bo ki Bileam nopotaau kon onu inta mobaḻí naa, “Nongkon Aram, buḷud kon pomukaan tatua, ki Balak, datu in Moab mogoiní kon inakó, kainia, ‘Angoipa, posingogpa kon inakó. Kutukpa in bangusa Israel tatua!’

HAKIM MITA 6:3

Apadoman pomuḷoi in intau monononggobá in Israel, mamangoidon in intau in Midian moyotakin intau in Amalek bo intau mita ibanea nongkon padang gurun bo monubu kon intau in Israel.

HAKIM MITA 6:5

Intau mita tatua in mamangoi mokapu-kapung kodia-dia in bobiagon bo ḷoḷaigan monia inta mobayong totok. Mosia bo unta monia in diádon koiapan. Mosia in mamangoi sin momoguyaat kon butá tatua,

HAKIM MITA 7:12

Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.

HAKIM MITA 8:10

Kon dodai intua ki Zebah bo ki Salmuna takin bayongan in tontara monia kon Karkordon. Nongkon bayongan in tontara in intau mita kon padang gurun, dongkadon degá 15.000 in intau in kiagatnea; 120.000 in tontaranea in minatoidon.

SAMUEL 1 25:2

Kon kotá in Maon oyúon in ḷoḷaki tobatú nongkon inanakan i Kaleb, tangoinea in ki Nabal. Sia tua in kobutá ponombobiagon kon diug in kotá in Karmel. Sia tua in nobiag nooyúon totok bo kodomba 3.000 bo bembé 1.000. Ki Abigail ki buḷoinea, mopandoi bo moḷunat, táe ki Nabal in mokaḷakuang bo moromú in dodianea. Kon singgai tobatú ki Nabal koyogot in monggonsingmai kon bubuḷ in dombanea kon Karmel.

SAMUEL 1 27:9

Sia in noḻimod kon bayongan in ḷoḷaki bo bobay bo poḷat nogagow kon domba, sapi, keledai, unta nodapot in pakeang doman. Onda intua nobui in sia minayá kon tayowon i Akhis.