AYUB 1:21 - Alkitab Singog In Mongondow Masa In Tanaa

²¹ bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

AYUB 1:21 Iomraidhean Croise

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 30:2

Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

KINOBAḺIAN 45:5

Dika moondok ande momanasaḷ popisí in nopotaḷui kon inakó in moiko. Sin in ki Allahbí tontaní inta ain nodia kon inakó namangoi in naa umuna kon i monimu sin moposaḷamat in kobiagan in intau mobarong.

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

DATU MITA IMITÁNEA 12:15

Onu inta pinoigum in rayat diábí inindoianneamai. Táe tua in kinoibogbí i Tuhan. Onu inta ain pinoguman i Tuhan pinongin i Nabi Ahia nongkon Silo soaḷ ki Yerobeam adí i Nebat in mustibí mobaḻí.

DATU MITA 2 20:19

Ki Datu Hizkia in notubag, “Mopiabí doman in koyow i Tuhan inta pinotaaumu kon inakó.” Notubag natua in sia sin irainea: “Asaḷ bo dodatuan ku in umuran moaman bo modame kon bonu in akuoi mobiagpa.”

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

AYUB 1:11

Táe aka kuma bo bayongan in kaoyúonannea tatua bo gamáan-Mu, yo notantúbí kon bayá-bayáneabí kutukon in Iko!”

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

MAZMUR 34:1

Mazmur i Daud, kon tungkuḷ in sia sinumon intau nobundai kon tayowon i Abimelek, dá inuntun in sia bo minayá.

MAZMUR 34:2

Akuoi in moibog mosukur kon i Tuhan pomuḷoi mako, bo diá mogoga-gogai in modayow kon i-Nia.

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

MAZMUR 49:17

Dika moondok aka intau tobatú bo mobaḻí mooyúon, bo kapunyaannea in modugang mobayong.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 5:14

Kita in pinononggadí diá nogiḷambung; natua doman in kita monaḷámai kon dunia naa, diábí modia kon onu bo onu nongkon bayongan inta siniḷopían naton.

MOHOHUTUBA 5:15

Totuu mokorobonoḷ kon gina intua! Kita in mayá ná kon dodai in kita namangoi tanaa. Kita in simiḷopí in momatuk kon tompot, bo onu in mouḻí?

MOHOHUTUBA 5:19

Ki Allah in nongawasa kon gina in intau tatua pinongin ḷunganga in gina, dá diábí in sia moḻia-ḻiaw in gina in morai kon kobiagannea inta mopoḷok naa.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 42:24

Ki ine in nokiagow kon Israel? Ki Tuhanbí tontaní! Kita naa in binaradosa kon i-Nia, Kita in diá nobiag podudui in parenta-Nea, bo diá dinumudui kon totundú-Nea.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

OMBAḶ 3:38

Mopia bo moraat pinobayá tongábí moidoyon kon parenta i Tuhan.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

MATIUS 20:15

Degá diá motaau in akuoi in mopomaké in kapunyaanku podudui kon onu in koibogku? Andeka moyaat degá in ginamu, aka akuoi mogaid kon inta mopia kon intau ibanea?’ ”

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

TIMOTIUS 1 6:7

Sin diábí tobatúmai in dinia naton wakutu in namangoi in dunia naa, ná doman tua, diábí doman in tobatúmai in diaan naton aka ḷumuaidon nongkon dunia naa!

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

RUT 1:21

Kon dodai in akuoi nobuat nongkon naa yagi-yagi in oyúonpabí kon inakó, táe naa in ki Tuhan in nodiadon mangoi in naa kon inakó takin diádon koonu bo onu. Tuamai in dikadon moiko monangoi kon inakó ki Naomi, sin ki Tuhan Inta Totok in Mokawasa ain nohukum kon inakó takin roriga mobarong!”

SAMUEL 1 2:7

Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”