AMOS 8:3 - Alkitab Singog In Mongondow Masa In Tanaa

³ Kon singgai tatua dondong mita kon komaḻig in mobaḻídon ombaḷ. Kon bayongan in tampat moyotapatdon in mayat inta ain iḷumbú inumuni-uni mako.”

AMOS 8:3 Iomraidhean Croise

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

YOËL 1:11

Ei monononggobá, pogamuidon! Ei monononggobá kon anggur, pongombaḷdon! Sin gandum, makoya bo bayongan in bungai in boyó nogoguyaatdon.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:5

Ei intau mita inta nongoḷoḷangu, pobangondon! Ei mongonginum mita, pongombaḷdon! Sin anggur inta mobagu inagowdon nongkon bibigmu.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

AMOS 5:16

Ki Tuhan Inta Totok in Mokawasa in noguman, “Kon daḷan mita in kotá intau in moguang bo mogamui popisí in morobonoḷ in gina. Nodapot in monononggobá mita in tokooiníon sin tumakin mongombaḷ moyotakin in intau mita inta sinokouboḻian moguang kon intau minatoi.

AMOS 5:23

Gogaiaidon in dondongmu mita inta mokobinim-biní tua; Akuoi in doíbí mokidongog kon pogogitoganmu kon kecapi.

AMOS 6:4

Moboditodon in moiko inta nosiug kon ḷantaan inta totok in mogaga bo inta nononbobutungan poḷat noratá kon sapi bo domba batánea!

AMOS 6:5

Mopia in gina monimu in momia kon dondong, ná inta inaidan i Daud, bo moiko in mopodondong in dondong tatua takinan in kecapi.

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

NAHUM 3:3

Tontara mita inta sinumakoi kon kabaḷo monubu imibo-ibog, kedang monindar bo pandong in mopouḻi-uḻinag. Intau matoi diádon koiapan, mayat monia moyo-moyoguntuḷ, dá intau mita in moipintudon.

ZEPANYA 1:7

Singgai i Tuhan in nodiugdon, kon singgai tatua oyúonbí in pomiaan i Allah; tuamai in kibio-biómaidon kon tayowon-Nea. Ki Tuhan in nosadiadon momatoi kon umat-Nea naonda bo kuruban sosumba bo Sia in nogoinídon kon musung mita in Yohuda.