AMOS 7:2 - Alkitab Singog In Mongondow Masa In Tanaa

² Pangkoḷá mita tatua in gogió bo nokopodait nokaan kon bayongan in pinomuḷa kon butá. Bo akuoi in noguman, “Tuhan Inta Totok in moḷantud, ampungaidon kaasí in umat-Mu! Mosia in moiḻiubí in intok bo moyangkó, yo umpaka mokotongod in mosia?”

AMOS 7:2 Iomraidhean Croise

MAZMUR 12:1

Kon i itoi in mododondong. Podudui in dondong inta in waḷunea. Mazmur i Daud.

IḶUAIAN 10:15

Bayongan in butá kino koḷobandon in pangkoḷá nodapot in irumondídon in koontongan. Mosia mokaan kon onukabí in kinotaḷáan in uyan eis tatua, takin doman bungai mita in ayop inta kon pangkoineapa. Kon bayongan butá in Mesir diá bidon in koontongan moḷunow inta sinonggagatan kon pangkoinea mita ande pinomuḷa.

IḶUAIAN 34:9

Gumannea, “Tuhan, aka totu-totuu kon ibog-Mu in akuoi, akuoi mopoigum, moibogdon ki Tuhan moyotakin nami. Bangusa tatua totuu kon motogat in gina, táe ampungaipa in raat bo dosa nami bo tarimadon kami mobaḻí umat-Mu tontaní.”

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YESAYA 51:19

Iko in kinoantugan in doyowa norupa in bodito; popisí in parang, ḻipúmu in nogoguyaatdon komintan bo rayatmu in minatoi in gogoy. Diá in notabi bo noḻipoi kon inimu.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

YEHEZKIEL 11:13

Koyogotpa in akuoi nosingog kon tua, indoianmai yo ki Pelaca in daḻíbí noḷabú bo minatoi. Dá akuoi in dinumokó bo nomaḷú, “Kaasí Tuhan Inta Totok in moḷantud! Degá bayongan agat in Israel tanaa in ḻimodon-Mu?”

YEHEZKIEL 9:8

Kon bonu in pinoḻimodan tatua pinobayá, akuoi in kon tua aku-akuoi mita. Sinumungkud in akuoi bo nomaḷú, “Tuhan Inta Totok in moḷantud kaasí nádomai tua in torú-Mu kon Yerusalem nodapot in pokiḻimod-Mudon komintan in intau inta kon Israel naa?”

DANIEL 9:19

Tuhan, indongogaipa kaasí in kami, ampungaidon in kami, indoiaipa in kami bo ḷagidon posaḷamat! Dikabí mokopoonggot, sinbá bayongan in intau monotaau kon Ikobí in ki Allah. Sin Yerusalem bo umat-Mu in kapunyaan-Mubí inta ain sinondí.”

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

AMOS 4:9

Akuoi in nopoirup mangoi in tompot mopatú bo mopoangoi in mahaḷuk inta momoguyaat kon pinomuḷa mita takin gobá mita in anggurmu. Pangkoi mita in ara, bo pangkoi mita in zaitunmu ain nodait kinaan in pangkoḷá. Umpaka natuadon táe diápa doman in moiko nobui mangoi kon i-Nakó.

AMOS 7:5

Akuoi in noguman, “O Tuhan Inta Totok in moḷantud, pogogaidon kaasí in tuḷú tatua! Umat-Mu in totuu mointok bo moyangkó, naondabí in mokotongod in mosia?”

WAHYU 9:4

Mosia tua in diábí inogoi momoguyaat kon bonok, ande kayu mita, ande pinomuḷa ibanea mako. Táe ogoibí in mosia mogaḷow kon intau mita inta diá kinompitan in meterai i Allah kon pogotnea.