AMOS 4:5 - Alkitab Singog In Mongondow Masa In Tanaa

⁵ Kumudungdon in moposumba in roti saḷaku sukurmu kon i-Nakó, bo kumudungdong in umambungangaḷ kon moiko in nodugangdon nodia kon sosumba! Notantú bidon kon tuata in kinoibog monimu aidan!

AMOS 4:5 Iomraidhean Croise

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 1:11

Ki Tuhan in noguman, “Kainimukamai dá moibogbí in Akuoi in bayongan kuruban inta umuranmu posumba kon i-Nakó? Mobúbí in Akuoi in domba mita kuruban pinayong bo ḷongó in ki adí in sapimu. Dugú in sapi koḷakian, domba bo bembé kinodoí-Kubí.

YEREMIA 7:10

Naonda intua komintan inaidan monimu, moiko in mamangoi kon tayowon-Ku kon naa kon Baḷoi-Ku tontaní, bo moguman, ‘Moaman in kami!’ Onda intua moiko in mongingguputdon in mogaid kon inta moromú tua.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

HOSEA 9:1

Ei bangusa in Israel, dikadon morame bui kon singgai mita moḷobenmu ná bangusa mita ibanea. Moiko in nonaḷámaidon kon i Allahmu bo diá notoindudui kon i-Nia. Kon pomuḷoi in poḷoḻintogan kon gandum, moiko in nopotaḷui in awak saḷaku sundaḷ kon i Dewa Baal, bo mopia in gina in motarima kon gandum inta inanggapmu saḷaku tondan i dewa tatua kon inimu!

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

IMAMAT 23:17

Pomuḷoi in motoḷuadí musti moposumba in roti doyowa mobaḻí sosumba tonoion kon i Tuhan. Roti mita in musti pomiaan nongkon topong moaḷus doyowa nokilo inta ragian bo musti ogoi kon i Tuhan mobaḻí sosumba in bungai in boyó inta muna.

AMOS 5:21

Ki Tuhan in noguman, “Akuoi in doíbí bo mototuka in mokoontong kon bobutungan mita in agamamu!

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

MATIUS 6:2

Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.