AMOS 4:3 - Alkitab Singog In Mongondow Masa In Tanaa

³ Moiko in irudonbí pobayá ná Hermon bo pogambat kon ḷuai, kon batúannea bubú in dinding inta nodiug. Akuoi ki Tuhan ain noguman.”

AMOS 4:3 Iomraidhean Croise

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

DATU MITA 2 7:15

Minayá in mosia nodapot kon Ongkag in Yordan. Kinoouput in daḷan nokoontong in mosia kon pakeang bo pakakat mita positabud. Bayongan intua pinogambatdon mako natua in intau mita in Siria kon dodai in mosia noḷagui. Totabá mita tatua in nobui bo nopotaau intua kon i datu.

YESAYA 31:7

Moiangoibí in wakutunea moiko komintan moḷumbú kon patong mita berhala nongkon saḷaka bo buḷawan inta pinomia monimu tontaní takin nopuḻing in dosa.

YEREMIA 52:7

dinding in kotá dinangatan in musung. Doḷom tua, umpaka intau in Babel koyogot in mongopung kon kotá tatua, bayongan in tontara in Yohuda noḷagui mopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa kon tampat tatua.

YEHEZKIEL 12:12

Kon bonu in sindip in doḷom ki datu monia in momotaanbí kon binantaḷnea bo mobuat. Intau mita in moḷombangbí kon dinding sinbá mokoḷuai in sia. Bilogonneabí in matanea dá diádon ontongonnea in daḷan inta bayáannea.

AMOS 6:7

Tuamai in moikodon inta muna-munamai akuton pobayá in pinoḷumbúan. Bobutungan mita bo pongaanan monimu moyotakin in moinggamádon.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

HAKIM MITA 5:17

Koyogotpa in ki Zebulon bo ki Naptali noparang kon tampat pinoparangan, suku i Dan in tongábí simindog mako kon diug in kapaḷ, bo suku i Gad in umuranbí tongá mogutun mako kon dotá in pomukaan kon Yordan, bo suku i Asyer in tongábí doman umuran kibio-biómai, doíbí momamping nongkon tampat pinogutunan monia kon pintad.