AMOS 4:2 - Alkitab Singog In Mongondow Masa In Tanaa

² Akuoi, ki Tuhan Inta Totok in Moḷantud in ki Tuhan inta motusi, bo Akuoi in nodandidon kon moiko in kon singgai moiduduimai in irudon in kokaud; moiko komintan in naonda bo toyá kon mata in kail.

AMOS 4:2 Iomraidhean Croise

MAZMUR 89:35

Dodandian-Ku takinnea in diábí inggamáan-Ku, nongkon bayongan in dandi-Ku yo diábí tobatúmai in gamáan-Ku bui.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

YEHEZKIEL 29:4

Taanan-Kubí in kokaud in tunggimu bo ukatan in toyá mita kon unapmu. Bo uguton-Ku in iko poḷuai kon Ongkag in Nil takin bayongan in toyá inta noikompit kon unapmu tua.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 38:4

Potabaton-Kubí in sia, poḷutudan in kokaud kon tuḷan in ayoinea, bo mogugut kon inia poḷuaion takin bayongan in tontaranea. Nobarongbí totok in tontaranea tumotakoi kon kabaḷo inta nogi soragam tatua. Batúan in tontara nodia kon kaḻeaw bo kedang.

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.