AMOS 2:1 - Alkitab Singog In Mongondow Masa In Tanaa

¹ Ki Tuhan in noguman, “Intau mita in Moab ain nopobui-buimaidon in binaradosa, tuamai in notantú bidon kon hukumon-Ku in mosia. Mosia in noningkuḻe kon i datu in Edom inta ain minatoi tatua, pinongin nongokai kon pinoḷobongan kon inia poḷat nogamá kon tuḷannea mita bo sinubá nobaḻí ḷobud.

AMOS 2:1 Iomraidhean Croise

DATU MITA 2 3:9

Dá nobuatdon in ki Datu Yoram noyotakin i datu in Yohuda bo i datu in Edom. Naonda in pitudon nosinggai in binayáan, kinodaitan in tubig in mosia, dá tontara monia bo bobiagon mogogakut kon pakakat monia in kinodaitandon in inumon.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YESAYA 16:6

Bangusa in Yohuda in moguman, “Kami in nokodongogdon kon naonda in koḷoḷatú in bangusa in Moab. Kinotaauan nami kon mosia in mododia bo moḷoḷatú. Singog monia in tongábí ambungangaḷ inta diá in bonunea.”

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

AMOS 1:11

Ki Tuhan in noguman, “Intau in Edom ain nopobui-buimai binaradosa, tuamai in notantú bidon kon hukumon-Ku in mosia. Diá bidon in tabi monia in nonubu kon intau mita in Israel, ki utat mita monia. Mosia in umuran tumorú bo umuran motagú kon gina.

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

AMOS 1:3

Ki Tuhan in noguman, “Intau mita in Damsyik ain nopobui-buimai in binaradosa, tuamai in notantú bidon kon hukumon in mosia. Mosia in nopoaid kon intau in Gilead pinodoyon kon aid inta totok in moḻingá,

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

AMOS 2:6

Ki Tuhan in noguman, “Intau in Israel ain nopobui-buimai binaradosa, tuamai in notantú bidon kon hukumon-Ku in mosia. Intau mojujur inta diá mokopobui kon iḷuanannea, ain pinotaḷui monia nobaḻí ata. Natua doman in aid monia kon intau nobiag nobogá inta diá nokouboḻi kon boḻinea, umpaka boḻinea tatua tongá ná boḻi in aip in sioḷ togapang.

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”