AMOS 1:10 - Alkitab Singog In Mongondow Masa In Tanaa

¹⁰ Tuamai in potabá-Kubí mangoi in tuḷú kon dinding mita in Tirus bo momokak kon bayongan in bentengnea.”

AMOS 1:10 Iomraidhean Croise

YEREMIA 47:4

Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEHEZKIEL 26:12

Musungmu mita tatua in mogagowbí kon bayongan in kaoyúonan bo daganganmu. Mosia in morumbunbí kon dindingmu mita bo mogumpag kon baḷoimu mita inta mogaga totok. Gamáanbí monia in batunea mita, dopí mita bo butánea, bodongka pogambat kon bonu in dagat.

YEHEZKIEL 26:4

Rimumudonbí monia in dindingmu mita bo mogumpag doman kon ḷangkeangmu mita. Bayongan in butá kon tua in simpatan-Kubí modapot in dongkadon batu tobatú in kon yuak in dagat.

YEHEZKIEL 28:18

Ki Tuhan in noguman, “Ei Tirus, iko in nongotor kon pooibadaanmu popisí in taḷá mita bo tombogá kon dodai in nodagang. Tuamai in tubáan-Ku in iko modapot in motondodai in butá. Bayongan in intau inta moindoi kon inimu tongádon moindoi kon ḷobud.

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

AMOS 1:4

Tuamai in potabá-Kubí mangoi in tuḷú kon komaḻig i Datu Hazael, bo momokak kon bayongan in benteng i Datu Benhadad.

AMOS 1:7

Tuamai in potabá-Kubí mangoi in tuḷú kon dinding mita in Gaza, bo momokak kon bayongan in bentengnea mita.

ZAKHARIA 9:4

Táe baḻíonbí i Tuhan mobiag mobogá. Bayongan in kaoyúonan in kotá tatua in ḷumbúon-Neabí kon bonu in dagat bo kotá tatua tontaní in modaitbí kaanon in tuḷú.