RUT 4:2 - Allah Wene Fano Wene Hupla Inane

² Andi nen he, at Boas ap o kota andi mene kaindek inebe 10 nen omanogo inom seberogo hu'lasuageluk yagaisasikhe. Yagaisasikhemo lambulhukwama,

RUT 4:2 Iomraidhean Croise

1RAJA-RAJA 21:8

A'nogo yagatikhesik, surat at Ahab enuba palogo cap at raja Ahab mene fesikhesik he, afuni o Yizreel mene inogogwi inom, inaluendek inom, inoba lakfilik lagaikhe.

KELUARAN 21:8

At eisena a'nogo nen hele andi nen agweap eragain iluk he, hun a'nogo nen endawimo anggili'lago lek mene nek anggugu halok he, hele andi re nekhengge onggwarek eisena tate mene oba onggo wanugun. Hele andi re at eisena onggo wanhe agun a'nogo nen wene waretikhe mene higithogo hilingiti'legengge we yugunat hilingfikhemore, he andi ap pok mene inoba onggo wanigin mondok lego.

AMSAL 31:23

At he andi agun he, ap kain enuwerek mene. Ap kaindek pemerintah o kota andoma welagaikharek mene ekhe re, he andi agun andiat.

RATAPAN 5:14

Ap yaman mene re o kota solombonma kabogeti lagaikha aremnogo hakhogo kabogeri'lagwi lek, ap souge mene inanggelek kwe omanogo nen pinggong ane ekhe watunem holi'lagwi lek.

KISAH PARA RASUL 6:12

A'nogo inendawimo kagalhukwama, iren afuni ekhe inendawimo kagalhik, ap inaluendek omanogo inendawimo kagalhik, ap Allah ane lisu palek inelu mene omanogo inendawimo kagalhik isukwama, it mondogat menlagaukwasik at Stefanus ebe fakfuluk, it ap wene ero pilingiti lagaukwa mene omanogo inoba waluk lagaukwa.

ULANGAN 25:7

A'nogo meneat he, ap agot andi nen, he oe nen sogwe fikhe mene andi wanigin abit halok he, he andi kaindek o kota andoma mene inoba lambik he, mel yagaisogoin: An nagun agoren he, an nebe wo'nabimbik, at oe obali'mo omalik ekhe tasumo aren tagongge mene unggulenu afuni Israel meneat logouwagaluk, an wo'nabu meneat he abiren heraknobagaikhemo wagi o,

ULANGAN 29:10

Yogondak yi sambul he hit hinebe mondogat hinogogwi kaindek inom, inogogwi ap hokho inap inom, it sikhe fisogo mene inogogwi lego mene inom, ap inom,

ULANGAN 31:28

Yogondak he, afuni inunggulenu yi mene inogogwi inom, kaindek ekhe inom, inebe mondogat an nera'lu andogosi wagunem wene yi yagaisagen he, wolisani o. Wolisamo wagunem, wene andi, it pogot inom, kweang inom, ineilhanem wene yagaisugunem inelu logouwagaluk inayonggo figi aro.