NEHEMIA 9:21 - Allah Wene Fano Wene Hupla Inane

²¹ Haren it o leimo afuni le'ma andoma, 40 tahun ferinarek logolik, yi mene ti mene it lek mene elokhogoat wogisikhi lagagin. It inasu tilibikhi lagaikhe mondok lek andi. It ineisok ou agik, fitik, ikhi lagaikhe mondok legat andi, neisena.

NEHEMIA 9:21 Iomraidhean Croise

MAZMUR 34:10

It afuni Tuhan inailorogo welagaikharek mene re, inelagaikhogo welagaikharek lek andi nen he, hit At againafuri mene nen he, At agaugwerati logoino o.

KELUARAN 16:35

Sumburu Manna mene andi it afuni Israel mene inamburu agaikhemo, 40 tahun ninggi lagaukwasik, huli o Kanaan inebe logogun oba kwi wagaukwa huli ninggi lagaukwa.

AMOS 5:25

Hit afuni Israel mene yi sani. An nen hit wokhinarek o leikwe nen wagu kwelek 40 tahun hilinglagaikhe andi. A'nogo wokhinarek wagu kwelek, hiren wam, sue, yi mene ti mene An nobaget nobagagik, endu nolnetik, ini o, iluk yagahisikhi lagagi lek anggigi.

KISAH PARA RASUL 13:18

Woginarek wulibi wagaikhemo, it o leimo afuni inebe le'ma andoma mo lagagik pigik ugu kwelek, 40 tahun logolik, inobabut weak hilingiti lagaukwa meneat he, at afe morogoat ferinarek welagaikhe.

ULANGAN 2:7

Hit hineisena Tuhan Allah nen hiren yi aple ti aple hilingitunem Aren aneba fanot hinobagagik, hit o lei mondok uankwe leil warik nugunem 40 tahun ariba fethinarek welagik, yi mene ti mene hit hinamolo mene wokhisigik hilinghinafi lagaikhe mene a'nogo hinendawimo ebethano.

ULANGAN 29:5

Hit hinebe 40 tahun hunugusogo andi At hineisena Tuhan nen o leikwe wokhinarek waga lagaba nen he, hinasu labetu mene inom, hineisok agut kwelafu mene inom tilip igik, weak agik ikhi laga lek.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

ULANGAN 8:4

Andi nen he, 40 tahun andem oba logolik, hit hinasu mondok libilagik, hineisok fitik, igi'lego.