NEHEMIA 9:13 - Allah Wene Fano Wene Hupla Inane

¹³ Hat hebe pogoroba nen tom Sinai ba pi wagagindik, hat honggwarek hagainafuri hane yagaisasigin andi. Yagaisikhi logolik, yi'nogo hilingiti logoino, ti'nogo hilingiti logoino, iluk higithogo komorinafik, hane eberogo mene yagaisigik, isigin mene andi re, oba tipsek logolik hilingiti logogun mene isigin andi.

NEHEMIA 9:13 Iomraidhean Croise

2 RAJA-RAJA 17:37

An nawene melalek inom wene yi'nogo hilingiti logoino ti'nogo hilingiti logoino iluk hit hinobaget palhisasigi mene a'nogo inom pukhogo fisogo logolik wene andiba nek tiphogo hilingiti logoino. Hiren kembu ilah alek mene obaget hilingiti logou fuk.

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

MAZMUR 119:137

Tuhan neisena, Haren he mondok katokhogo nek hilingiti lagen, Hat hawene melalek andoma re tiphogo nek hilinglagarek.

MAZMUR 119:160

Hat hane andi mondogat he eberogo mene nek, Hat hawene melalek mondok higit mene andoma re mondok-mondok logogin mene.

MAZMUR 119:4

Tuhan nineisena, Hat hawene melalek a'nogo niren tiphogo hilingiti logouwageluk wo'nisegen.

KELUARAN 16:23

Yagasi waga lagaukwama, at Musa nen he, mel yagaisasikhe: ”Nineisena Tuhan nen komotninafi logolik yi'nogo hilingiti logoino ikhe: Ohealek hinenggi sabit mene andi re, An hineisena Tuhan nawi. Halok he, An faget set walogo logoino o. Hit yogondak werakhogoin mene halok he, werakhigik, isakhogoin mene halok he, isakhigik, ikhi logolik he, hobuk nogoin mene halok, ohealek faget ale'ma fikhi logoino o, iluk ikhe,” iluk yagaisasikhe.

KELUARAN 19:11

Nen, age halok he, mondok tegelek oba logouwago. O andi sambul he, An nebe tom Sinai oba pi wagunem he, afuni mondogaren ineilenggen neogoin o.

KELUARAN 20:1

Allah nen komo wene, ebe yi'nogo isikhe: ”Hit afuni Mesir mene nen inamingmingengge fethinarek were'ma wokhinarek wulibi wagagi mene, hineisena Tuhan Allah nebere Anaro.

KELUARAN 20:22

At Tuhan nen Musa oba it afuni Israel mene faget yagaisoagaluk yagati logolik he mel yagatikhe: ”An Tuhan nebe pogoroba nen nane ugunem hiren hineilenggen mondogat hegep andi.

YESAYA 64:1

Tuhan neisena, pogot heal hambik he hebe pime o, tom-tom andoma re Hat helokhoma nen erak kwerak isoageluk hilingfein.

YESAYA 64:3

Niren a'nogo hilinglasigin iluk ekhe wenggelek le'ma nen Haren elalin inailo mene hilingiti logolik, Hebe pi wagunem helokhoma nen tom unggul mondogat abolok igik ikherek andi.

HABAKUK 3:3

An neilenggen hiugunemen he neisena Allah Hebe Mondok Tegelek welagen mene a'nogo o Teman fikhiren wagik, nen o Paran tom fikhit andoma nen wagik ugunem hiigi o. Nen Hat hebe agaugwet hafarek mene a'nogo pogoroba mondogat sagare'ma re, kweangma yi awi ti awi mondogaren ogore Hat faget wuniba fogethafu welagaikharegat andi.

ROMA 7:16

An nendawimo nen namolo anggigirek mene lek. We, nabit anggigirek mene hilingiti lagi andi re, ”Wene Allah nen komotninafikhe wene andiat fano,” iluk u hagat hilingiti lagi o.

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

ULANGAN 4:33

Nit nineisena Allah ebe endu amuilok anggele'ma logolik, ane yaganisugunem hinesanggo holhigip andi hangge, afuni inunggulenu hunogoat mene ekhe nen, Nineisena ebe andiat, iluk agarek mene andi nen wene a'nogo yagaisasikhemo holhukwasigen inebe ekhe ineluk werek nogo?

ULANGAN 4:36

Wene yagahisageluk At ebe pogoroba nen ane holubagaigeluk pelakfei wagaikhemo hinesanggo holhigip. Nen, At ebe kweangma nen he, endu inailo mene andi inukhisasikhesik, endu andi anggele'ma nen ane yagahisugunem holhigip andi.

ULANGAN 4:8

Nen, wene Allah nen komotninafikhe mene andi inom higit mene, yogondak an nen yagahisikhi lagi mene yi, afuni inunggulenu hokho o koma mene inawene yi emberek higit ekhe werek nogo? Mondok legaro.

ULANGAN 5:4

O tom oba endu amuilok a'nogo anggele'ma nen he, Tuhan ane hit hinoba pikhit yagahisasikhe.