NEHEMIA 8:5 - Allah Wene Fano Wene Hupla Inane

⁵ It afuni andi inebe a'ma hak mendek werek kwelek, at Ezra nek he, e talek afuni inebe andogorek were'ma lagaluk wenenggak yagaisagarek oba andi mondok legeisogo talfesukwama a'luk he, it afuni andi inebe mondogat he ineilenggen at Ezra oba yerogo welagaukwa. A'nogo yerogo werek kwelek, at Ezra nen wene Allah nen Komotninafikhe wene a'nogo enu saligiluk funggulhunem inebe mondogat menlagaukwa.

NEHEMIA 8:5 Iomraidhean Croise

1RAJA-RAJA 8:12

A'nogo hilinglagaikhemo, at Salomo nen samban Allahba yi'nogo yagatikhe: ”Tuhan neisena, o mo pogoroba fesigin mene. Oba nen he Hat hebe ohena mumeak mene anggele'ma werek aplere, hamolo welagen.

1RAJA-RAJA 8:14

At raja Salomo nen samban a'nogo isikhesik, afuni mondogat andoma mendek were'ma elokhe hebekhogo wogisasikhesik he, Allah nen yi mene ti mene it fanorinabuageluk kino yagatikhe.

NEHEMIA 8:3

A'nogo waluk wagaikhesik, o huberen hundik linggene nen hundik buku a'nogo enu salhu kwelek, afuni mondogat omanogo inesanggo fanorogo hologo welagaukwa.

NEHEMIA 8:4

A'nogo hologo werek kwelek, at Ezra ebe e talek afuni inebe andogorek werek kwelek wenenggak agarek oba hilingisogo fesukwaba mendek logolik enu salhikhe. At Ezra buku andi enu salhu kwelek ap at enggi ebekwe fikhit mendek welagaukwa mene inenu re, yi: Matica inom, Sema inom, Anaya inom, Uria inom, Hilkia inom, Maaseya inom, inenu andem mendek welagaukwa, nen enggi harekwe re: Pedaya inom, Misael inom, Malkia inom, Hasum inom, Hasbadana inom Zakharia inom, Mesulam inom, mendek welagaukwa.