NEHEMIA 8:4 - Allah Wene Fano Wene Hupla Inane

⁴ A'nogo hologo werek kwelek, at Ezra ebe e talek afuni inebe andogorek werek kwelek wenenggak agarek oba hilingisogo fesukwaba mendek logolik enu salhikhe. At Ezra buku andi enu salhu kwelek ap at enggi ebekwe fikhit mendek welagaukwa mene inenu re, yi: Matica inom, Sema inom, Anaya inom, Uria inom, Hilkia inom, Maaseya inom, inenu andem mendek welagaukwa, nen enggi harekwe re: Pedaya inom, Misael inom, Malkia inom, Hasum inom, Hasbadana inom Zakharia inom, Mesulam inom, mendek welagaukwa.

NEHEMIA 8:4 Iomraidhean Croise

EZRA 10:29

It Bani eisok erokwe mene nen he: Mesulam, Malukh, Adaya, Yasub, Seal, Yeramot inom.

EZRA 10:33

Hasum eisok erokwe meneba nen he: Matnai, Matata, Zabad, Elifelet, Yeremai, Manasye, Simei inom.

NEHEMIA 11:7

It inunggulenu Benyamin mene welagaukwa mene inebe re yi: Salu hun Mesulam amlogo hun Yoed omba welageikhe. At andi inom he ombawi fena re yi: Penaya, Kolaya, Maaseya, Itiel, inom Yesaya inom andem. Gabai inom, Salai inom ogo. It andem he at Salu erugwi agaila'lak horokhogo mene. It inebe mondok lambukhogo re 928 nen were'ma re at Yoed,

NEHEMIA 8:3

A'nogo waluk wagaikhesik, o huberen hundik linggene nen hundik buku a'nogo enu salhu kwelek, afuni mondogat omanogo inesanggo fanorogo hologo welagaukwa.

NEHEMIA 8:5

It afuni andi inebe a'ma hak mendek werek kwelek, at Ezra nek he, e talek afuni inebe andogorek were'ma lagaluk wenenggak yagaisagarek oba andi mondok legeisogo talfesukwama a'luk he, it afuni andi inebe mondogat he ineilenggen at Ezra oba yerogo welagaukwa. A'nogo yerogo werek kwelek, at Ezra nen wene Allah nen Komotninafikhe wene a'nogo enu saligiluk funggulhunem inebe mondogat menlagaukwa.

NEHEMIA 9:3

A'nogo fagetukwasik, Allah nen komotninafikhe wene lisu palogo werek mene a'nogo enu salogo yagaisugu 3 jam hangge welagaukwasik, hobuk it inonggwarek inaweak hilingiti lagaukwa mene omanogo fageti logolik 3 jam hanggeat welagaukwa. A'nogo hilingitu logolik ineindep awi yagaisogo nineisena TUHAN Allah fogeratukwa.

NEHEMIA 9:4

A'nogo hilingitukwaba andem he ap Lewi mene faget e meja talek were'ma re, at Yesua inom, Bani inom, Kadmiel inom, Sebanya inom, Bunni inom, Serebya inom, Bani inom, Kenani inom, inebe lagasukwasik he inane hokhorogo samban nineisena TUHAN Allah ayonggo fesukwa.

MATIUS 23:2

mel yagaisasikhe: ”It ap Allah ane lisu palek eisewerek mene inom, ap Farisi mene inom, inomen he, at Musa nen wene Allah nen komotninafikhe wene a'nogo yagaisikhi lagaikhe andi hak, obali'mo re, iren yagahisili'lagwi andi nen he,